આ વાણી કપૂર છે કે કૅટરિના કૈફ?

સોશ્યલ મીડિયામાં આ તસવીર જોઈને વાણીના અનેક ફૅન્સે પણ આવી જ કમેન્ટ કરી છે. આ પહેલાં પણ વાણી અને કૅટરિના વચ્ચે સમાનતા છે એવી ચર્ચા થઈ ચૂકી છે

વાણી કપૂર, કૅટરિના કૈફ

બૉલીવુડ ઍક્ટ્રેસ વાણી કપૂર ઘણા સમયથી કોઈ ફિલ્મમાં જોવા નથી મળી. હાલમાં વાણીએ પોતાનો એક સેલ્ફી ઇન્સ્ટાગ્રામ પર પોસ્ટ કરતાં એ તસવીર ચર્ચાનું કેન્દ્ર બની ગઈ હતી. હકીકતમાં વાણી તેની આ તસવીરમાં બિલકુલ ઍક્ટ્રેસ કૅટરિના કૈફ જેવી લાગે છે. સોશ્યલ મીડિયામાં આ તસવીર જોઈને વાણીના અનેક ફૅન્સે પણ આવી જ કમેન્ટ કરી છે. આ પહેલાં પણ વાણી અને કૅટરિના વચ્ચે સમાનતા છે એવી ચર્ચા થઈ ચૂકી છે. ૨૦૨૨માં ‘શમશેરા’ના ટ્રેલર-રિલીઝ પછી લોકોએ તેના પાત્રની સરખામણી કૅટરિનાના ‘ઠગ્સ ઑફ હિન્દોસ્તાં’ના પાત્ર સાથે કરી હતી. આ સમયે પ્રતિભાવ આપતાં વાણીએ કહ્યું હતું કે ‘કૅટરિના જબરદસ્ત ડાન્સર અને ઍક્ટર છે. જો તમારી મારી સરખામણી કરવી જ હોય તો તેની સુંદરતા સાથે કરો. હું એનાથી બહુ ખુશ થઈશ.’