16 September, 2021 04:10 PM IST | Mumbai | Gujarati Mid-day Correspondent
રણવીરની ‘સર્કસ’માં દેખાશે અજય દેવગન?
રણવીર સિંહની ‘સર્કસ’માં દીપિકા પાદુકોણની સાથે અજય દેવગન પણ નાનકડી ભૂમિકા ભજવશે. રોહિત શેટ્ટીની કૉમેડી ફિલ્મ ‘સર્કસ’માં રણવીર ડબલ રોલ ભજવી રહ્યો છે. આ ફિલ્મમાં રોહિતની ‘ચેન્નઇ એક્સપ્રેસ’માં કામ કરનાર દીપિકા નાનકડી ભૂમિકામાં જોવા મળશે એવી વાત ચાલી હતી. જોકે હવે આ ફિલ્મમાં રોહિતનો બાળપણનો ફ્રેન્ડ અજય દેવગન પણ જોવા મળશે એવી ચર્ચા છે. આ ફિલ્મનું આગામી શેડ્યુલ ઊટીમાં રાખવામાં આવશે. બે મહિના બાદ એનું પ્લાનિંગ છે. આ ગીતને રોહિત ખૂબ જ ગ્રૅન્ડ લેવલ પર શૂટ કરવા માગે છે અને એમાં તેના લકી ચાર્મ અજયનો પણ સમાવેશ કરવા માગે છે. અજય દેવગનની પાસે તારીખ ન હોવાથી એને નવેમ્બરમાં શૂટ કરવાનું પ્લાનિંગ છે. જો અજયને ત્યારે પણ સમય ન મળ્યો તો આ પ્લાન પડતો મૂકવામાં આવી શકે છે, પરંતુ જો તેને સમય મળી ગયો તો ગીતમાં તે જોવા મળશે.