યશની ટૉક્સિકના ટ્રેલરનું ૮ ઑગસ્ટે બૅન્ગલોરમાં ભવ્ય લૉન્ચિંગ

યશની બહુચર્ચિત ફિલ્મ ‘ટૉક્સિક’નું ટ્રેલર ૮ ઑગસ્ટે બૅન્ગલોરમાં ભવ્ય કાર્યક્રમમાં લોન્ચ થવાની ચર્ચા છે. ૨૬ ઑગસ્ટે રિલીઝ થનારી આ ઍક્શન થ્રિલર વિશે નિર્માતાઓએ હજુ સુધી કોઈ સત્તાવાર જાહેરાત કરી નથી.

ટોક્સિક મૂવી પોસ્ટર

યશની આગામી ફિલ્મ ‘ટૉક્સિક : અ ફેરીટેલ ફૉર ગ્રોન-અપ્સ’નું પ્રમોશન મોટા પાયે થવાનું છે. રિપોર્ટ મુજબ ફિલ્મના નિર્માતાઓ એના ભવ્ય ટ્રેલર-લૉન્ચની તૈયારીમાં વ્યસ્ત છે. આ ફિલ્મ ૨૬ ઑગસ્ટે વિશ્વભરનાં સિનેમાઘરોમાં રિલીઝ થવાની છે અને ચર્ચા છે કે એનું ટ્રેલર ૮ ઑગસ્ટે બૅન્ગલોરમાં યોજાનારા ભવ્ય કાર્યક્રમમાં રજૂ કરવામાં આવશે.
જોકે ફિલ્મના નિર્માતાઓએ હજુ સુધી આના વિશે કોઈ સત્તાવાર જાહેરાત કરી નથી, પણ ફિલ્મની રિલીઝ પહેલાં આ કાર્યક્રમ પ્રમોશનનો સૌથી મહત્ત્વનો તબક્કો માનવામાં આવી રહ્યો છે.
ગીતુ મોહનદાસના ડિરેક્શનમાં બનેલી ‘ટૉક્સિક’ એક ઍક્શન થ્રિલર ફિલ્મ છે અને પિતા-પુત્રના સંબંધ પર આધારિત હોવાનું કહેવાઈ રહ્યું છે. જોકે નિર્માતાઓએ ફિલ્મની વાર્તા વિશે હજુ પણ સંપૂર્ણ ગુપ્તતા જાળવી રાખી છે.