ઉલ્ટા ચોર કોતવાલ કો ડાંટે? બલૂચ હુમલા મામલે પાકે. ભારત પર ઠાલવ્યો દોષનો ટોપલો

Baluchistan Suicide Blast: પાકિસ્તાનના બલુચિસ્તાન પ્રાંતમાં એક સુસાઇડ બૉમ્બ વિસ્ફોટ થયો છે. આ હુમલો એક લશ્કરી સ્કૂલ બસને બનાવવામાં કરવામાં આવી હતી, જેમાં ત્રણ માસૂમ બાળકો સહિત 5 લોકો માર્યા ગયા હતા. આ ઉપરાંત 38 લોકો ઘાયલ થયા છે.

બલૂચિસ્તાન બૉમ્બ બ્લાસ્ટ (તસવીર સૌજન્ય: મિડ-ડે)

પાકિસ્તાનના બલુચિસ્તાન પ્રાંતમાં એક સુસાઇડ બૉમ્બ વિસ્ફોટ થયો છે. આ હુમલો એક લશ્કરી સ્કૂલ બસને બનાવવામાં કરવામાં આવી હતી, જેમાં ત્રણ માસૂમ બાળકો સહિત 5 લોકો માર્યા ગયા હતા. આ ઉપરાંત 38 લોકો ઘાયલ થયા છે. પાકિસ્તાનના અશાંત પ્રાંત બલુચિસ્તાનમાં છેલ્લા ઘણા વર્ષોથી હિંસા ચાલુ છે. આ પહેલો એવો કિસ્સો છે જેમાં સ્કૂલ બસને નિશાન બનાવવામાં આવી હોય. અત્યાર સુધી કોઈ પણ સંગઠને આ હુમલાની જવાબદારી લીધી નથી. તે જ સમયે, ઑપરેશન સિંદૂરમાં પોતાની હારથી હતાશ થયેલા પાકિસ્તાને આ હુમલા માટે ભારતને દોષી ઠેરવવાનો પ્રયાસ કર્યો છે. પાકિસ્તાની સેનાના પ્રોપગેન્ડા યુનિટ ISPR એ આ હુમલા માટે ભારતને જવાબદાર ઠેરવ્યું છે. 

દેશના આંતરિક સંઘર્ષમાં ભારતનું નામ ઘસડવાના નાપાક પ્રયાસમાં, ISPR એ કહ્યું, "ભારત અને તેના સમર્થકો દ્વારા બલુચિસ્તાનમાં ફરી એકવાર કાયરતાપૂર્ણ હુમલો કરવામાં આવ્યો છે. આ હુમલામાં, નિર્દોષ બાળકોને લઈ જતી એક સ્કૂલ બસને નિશાન બનાવવામાં આવી છે. આ હુમલો બલુચિસ્તાનના ખુઝદારમાં થયો હતો. તમને જણાવી દઈએ કે બલુચિસ્તાનમાં લાંબા સમયથી બળવાની સ્થિતિ છે. બલુચિસ્તાન લિબરેશન આર્મી સહિત આવા ઘણા સંગઠનો અહીં સક્રિય છે, જે બલુચિસ્તાનમાં વારંવાર હિંસા કરી રહ્યા છે. આ સંગઠનો કહે છે કે બલુચિસ્તાન એક અલગ દેશ બનવું જોઈએ પણ તેના પર પાકિસ્તાનનો કબજો છે.

પાકિસ્તાની સેના સાથે સંકળાયેલી એક સ્કૂલ બસને નિશાન બનાવી હુમલો કરવામાં આવ્યો. બલૂચ બળવાખોરો સામાન્ય રીતે મહિલાઓ અને બાળકોને નિશાન બનાવવાનું ટાળે છે. પરંતુ કારણ કે તે આર્મી સ્કૂલ બસ હતી, તેને નિશાન બનાવવામાં આવી હોઈ શકે છે. આ દ્વારા પાકિસ્તાન સેનાને સંદેશ આપવાનો પ્રયાસ કરવામાં આવ્યો છે. અત્યાર સુધી કોઈએ જવાબદારી લીધી નથી, પાકિસ્તાની સૂત્રોનો દાવો છે કે બલૂચ આર્મી આમાં સામેલ છે. તમને જણાવી દઈએ કે આ પહેલા 2014 માં પાકિસ્તાની તાલિબાને પેશાવરમાં ઘાતક હુમલો કર્યો હતો. આમાં 154 માસૂમ બાળકો સહિત 168 લોકો માર્યા ગયા હતા. ઉલ્લેખનીય છે કે બલુચિસ્તાનની સાથે પાકિસ્તાનના સિંધ અને ખૈબર પખ્તુનખ્વા પ્રાંતોમાં પણ અલગતાવાદના અવાજો સંભળાય છે.

`પાકિસ્તાન ધ્યાન ભટકાવવાનો પ્રયાસ કરી રહ્યું છે`
વિદેશ મંત્રાલયે પોતાના નિવેદનમાં જણાવ્યું હતું કે ભારત આજે ખુઝદારમાં થયેલી ઘટનામાં ભારતની સંડોવણી અંગે પાકિસ્તાન દ્વારા લગાવવામાં આવેલા આરોપોને નકારી કાઢે છે. આવી બધી ઘટનાઓમાં જીવ ગુમાવનારાઓ પ્રત્યે ભારત સંવેદના વ્યક્ત કરે છે. જો કે, આતંકવાદના વૈશ્વિક કેન્દ્ર તરીકેની પોતાની પ્રતિષ્ઠા પરથી ધ્યાન હટાવવા અને પોતાની ગંભીર નિષ્ફળતાઓ છુપાવવા માટે, પાકિસ્તાન પોતાના આંતરિક મામલાઓમાં ભારત પર દોષારોપણ કરે તેવી તેને આદત છે.