પાકિસ્તાનમાં ફરી ત્રાટક્યા અજ્ઞાન ગનમેન : ટોચનો આતંકવાદી ઠાર

આ ઘટનાએ ફરી એક વાર અજ્ઞાત ગનમેન કોણ છે એની ચર્ચા શરૂ કરી છે

આતંકવાદી શેખ યુસુફ આફ્રિદી

પાકિસ્તાનના ખૈબર પખ્તુનખ્વામાં અજાણ્યા ગનમેને આતંકવાદી હાફિઝ સઈદના નજીકના સહયોગી અને લશ્કર-એ-તય્યબાના ટોચના આતંકવાદી શેખ યુસુફ આફ્રિદીની ગોળી મારીને હત્યા કરી હતી. અજાણ્યા બંદૂકધારીઓએ વારંવાર આફ્રિદી પર ગોળીબાર કર્યો હતો, જેને કારણે તેને ભાગી જવાનો કે છુપાવાનો કોઈ મોકો જ મળ્યો નહોતો. આ કેસમાં પાકિસ્તાનની સુરક્ષા- એજન્સીઓ તપાસ કરી રહી છે, જ્યારે હજી સુધી કોઈ જૂથે જવાબદારી સ્વીકારી નથી.

આ ઘટનાએ ફરી એક વાર અજ્ઞાત ગનમેન કોણ છે એની ચર્ચા શરૂ કરી છે. પાકિસ્તાનમાં ખૂંખાર અને ટોચના આતંકવાદીઓને અજ્ઞાત બંદૂકધારીઓએ ગોળીઓ છોડીને મોતને ઘાટ ઉતારે છે. 
શેખ યુસુફ આફ્રિદી લાંબા સમયથી આતંકવાદી પ્રવૃત્તિઓમાં સક્રિય હતો અને લશ્કર-એ-તય્યબાના સંગઠનાત્મક માળખામાં મુખ્ય વ્યક્તિ તરીકે ગણવામાં આવતો હતો. તે ટોચનો કમાન્ડર હતો.