20 August, 2026 11:05 AM IST | Muridke | Gujarati Mid-day Correspondent
લશ્કર-એ-તૈયબા (LeT)ના મુરિદકેમાં આવેલા હેડક્વૉર્ટરને ભારતે ટાર્ગેટ કર્યું હતું
પાકિસ્તાનમાં હાફિઝ સઈદના આતંકી સંગઠન લશ્કર-એ-તૈયબા (LeT)ના મુરિદકેમાં આવેલા હેડક્વૉર્ટર પર ઇન્ડિયન ઍર ફોર્સ (IAF)ની મહિલા ફાઇટર પાઇલટે અત્યંત સફળ હુમલો કર્યો હતો. ગયા વર્ષે થયેલા ઑપરેશન સિંદૂર દરમ્યાન મહિલા ઑફિસરે આ અત્યંત મહત્ત્વની કામગીરી પાર પાડી હતી. સંરક્ષણસૂત્રોના જણાવ્યા અનુસાર આ મહિલા ફ્લાઇટ લેફ્ટનન્ટ સુખોઈ ૩૦ MKI વિમાન ઉડાવી રહ્યાં હતાં. આ અદ્યતન વિમાન રૅમ્પેજ અને બ્રહ્મોસ જેવી શક્તિશાળી ઍર ટુ ગ્રાઉન્ડ મિસાઇલ છોડવા સંપૂર્ણ સક્ષમ છે.
૮૭ કલાક ચાલેલા આ ઑપરેશનમાં એકથી વધુ મહિલા પાઇલટ્સે રફાલ અને સુખોઈ દ્વારા પ્રહાર કર્યા હતા. કેટલીક મહિલાઓએ પાઇલટ તો અન્ય મહિલાઓએ વેપન સિસ્ટમ ઑપરેટર તરીકે પોતાની અત્યંત મહત્ત્વની ફરજ નિભાવી હતી.
