ધુળેમાં મળી આવ્યું બે એકરનું ગાંજાનું ખેતર

ગાંજાનું આખું ખેતર મળી આવ્યું

ઍન્ટિ નાર્કોટિક્સ સેલના બાંદરા યુનિટે ૧૫ ઑગસ્ટે સાકીનાકામાંથી એક આરોપીને ૪૭ કિલો ગાંજા સાથે પકડ્યો હતો. તેની પૂછરપછમાં તેણે એ ગાંજો ધુળેથી મેળવ્યો હોવાનું કહીને બીજા આરોપીનું નામ આપ્યું હતું. એ આરોપીની શોધખોળ કરવા ઍન્ટિ-નાર્કોટિક્સ સેલના ઑફિસરો ધુળેના શિરપુર તાલુકાના ભોઇટી ગામ પહોંચ્યા હતા. ત્યાં તેની પૂછપરછ કરતાં તેમને બે એકરનું ગાંજાનું આખું ખેતર મળી આવ્યું હતું. પોલીસે ત્યાંથી ગાંજાના છોડ અને સૂકો-લીલો મળી કુલ ૨૮૧૬.૫ કિલો ૫.૬૩ કરોડ રૂપિયાનો ગાંજો જપ્ત કર્યો હતો. જોકે એ ખેતરમાં ગાંજો ઉગાડનાર કિરણ કોળી નાસી છૂટ્યો છે અને પોલીસ તેને શોધી રહી છે.