18 May, 2026 07:17 AM IST | Mumbai | Gujarati Mid-day Correspondent
પ્રતીકાત્મક તસવીર
મહારાષ્ટ્ર સરકારે ઍપલ અને ગૂગલને ઍપલ સ્ટોર અને ગૂગલ પ્લેસ્ટોરમાંથી ઓલા, ઉબર અને રૅપિડો આ ત્રણેય ઍપ્લિકેશન હટાવવા માટે શુક્રવારે નોટિસ મોકલી હતી. જોકે ત્રણેય કંપનીઓ દ્વારા આપવામાં આવતી અન્ય સર્વિસિસ ચાલુ રાખીને ફક્ત બાઇક અને ટૅક્સી-સર્વિસ બંધ કરી શકાય એવો વિકલ્પ હવે સરકાર વિચારી રહી છે.
મહારાષ્ટ્ર સરકારે ત્રણેય કંપનીઓને કાર, રિક્ષા જેવાં વિવિધ વાહનો સર્વિસિસ માટે ઉપયોગમાં લેવાની પરવાનગી આપી હતી. જોકે બાઇક અને ટૅક્સી-સર્વિસ આપવાનું લાઇસન્સ સરકારે માર્ચ મહિનામાં રદ કર્યું હતું. આ ત્રણેય કંપનીઓ કમ્પ્લાયન્સ ડૉક્યુમેન્ટ્સ રજૂ કરવામાં નિષ્ફળ જતાં તથા ગ્રીન પ્લેટ ઇલેક્ટ્રિક વ્હીકલ્સ (EV)નો ઉપયોગ કરવાનું શરૂ ન કરતાં બાઇક અને ટૅક્સી-સર્વિસનું લાઇસન્સ રદ કરવામાં આવ્યું હતું.
ઉલ્લેખનીય છે કે મંગળવારે નિવેદન આપ્યું હતું કે બાઇક અને ટૅક્સી-સર્વિસ પૂરી પાડતી ઍપ્સ ખુલ્લેઆમ નિયમોનું ઉલ્લંઘન કરે છે અને જરૂરી પરવાનગી વગર સર્વિસ પૂરી પાડીને નાણાકીય વ્યવહાર કરે છે. એને કારણે કાયદેસર લાઇસન્સ મેળવીને રિક્ષા-ટૅક્સી ચલાવનારાની આજીવિકા પર અસર થાય છે.
