રક્ષા મંત્રી રાજનાથ સિંહે મુંબઈમાં બે સ્વદેશ નિર્મિત યુદ્ધપોતનું કર્યું જલાવતરણ

એમડીએલ, પ્રમુખ જહાજ તેમજ પનડુબ્બી નિર્માણ કરનારી સાર્વજનિક ક્ષેત્રની રક્ષા કંપની છે.

તસવીર સૌજન્ય મિડ-ડે

રક્ષા મંત્રી રાજનાથ સિંહે મંગળવારે મુંબઈના મઝાગોન ડોક ખાતે ભારતીય નૌકાદળના સ્વદેશી નિર્મિત બે ફ્રન્ટલાઈન યુદ્ધ જહાજો `સુરત` અને `ઉદયગીરી`નું લોકાર્પણ કર્યું હતું. Mazagon Dock Limited (MDL) એ એક નિવેદનમાં જણાવ્યું છે કે પહેલીવાર સ્વદેશી બનાવટના બે યુદ્ધ જહાજોને કાર્યરત કરવામાં આવ્યા છે.

એમડીએલ, પ્રમુખ જહાજ તેમજ પનડુબ્બી નિર્માણ કરનારી સાર્વજનિક ક્ષેત્રની રક્ષા કંપની છે.

નૌસેનાએ જણાવ્યું કે જહાજ `સૂરત`, પ્રૉજેક્ટ 15બી કાર્યક્રમ હેઠળ બનનારા ચોથા અને અંતિમ વિધ્વંસક પોત છે, જેમાં રડારને ચકામો આપવાની પ્રણાલી છે. આ પી15એ (કોલકાતા શ્રેણી) વિધ્વંસકના એક મહત્વપૂર્ણ ફેરફારનો પરિચય અપાવે છે. ગુજરાતની વાણિજ્યિક રાજધાની અને મુંબઈ પછી પશ્ચિમી ભારતના બીજા સૌથી મોટા વાણિજ્યિક કેન્દ્ર સૂરત શહેરના નામે આનું નામ રાખવામાં આવ્યું છે.

પ્રોજેક્ટ 15B વર્ગના જહાજો ભારતીય નૌકાદળના નેક્સ્ટ જનરેશનના સ્ટીલ્થ (રડાર-સક્ષમ) માર્ગદર્શિત મિસાઈલ વિનાશક છે, જેનું નિર્માણ મુંબઈમાં મઝાગોન ડોક લિમિટેડ (MDL) ખાતે કરવામાં આવ્યું છે.

બીજું જહાજ `ઉદયગીરી` `પ્રોજેક્ટ 17A` ફ્રિગેટ પ્રોગ્રામનો એક ભાગ છે. જહાજ `ઉદયગીરી`નું નામ આંધ્રપ્રદેશની એક પર્વતમાળા પરથી રાખવામાં આવ્યું છે. પ્રોજેક્ટ 17A ફ્રિગેટ્સ હેઠળનું આ ત્રીજું જહાજ છે. તે P17 ફ્રિગેટ (શિવાલિક વર્ગ) નું અપગ્રેડેડ વર્ઝન છે જે સુધારેલ શસ્ત્રો, સેન્સર્સ અને પ્લેટફોર્મ મેનેજમેન્ટ સિસ્ટમથી સજ્જ છે.

આ બંને 15B અને P17A જહાજો નેવલ ડિઝાઇન ડિરેક્ટોરેટ દ્વારા ડિઝાઇન કરવામાં આવ્યા છે.