કાંદિવલીના મજીઠિયાનગરમાં સ્લૅબ તૂટીને નીચેના માળે પડ્યો, બે ઘાયલ

૧૯૭૧માં બનેલું આ બિ​લ્ડિંગ જર્જરીત થઈ ગયું છે. આ દુર્ઘટનામાં બે વ્યક્તિ ઘાયલ થઈ હતી.

મજીઠિયાનગરમાં સ્લૅબ તૂટીને નીચેના માળે પડ્યો, બે ઘાયલ

કાંદિવલી–વેસ્ટના એસ. વી. રોડ પર આવેલા મજી​ઠિયાનગરના એક બિ​લ્ડિંગમાં ગઈ કાલે સવારે ૧૧.૩૦ વાગ્યે દુર્ઘટના બની હતી. ૧૯૭૧માં બનેલું આ બિ​લ્ડિંગ જર્જરીત થઈ ગયું છે. આ દુર્ઘટનામાં બે વ્યક્તિ ઘાયલ થઈ હતી.

કાંદિવલી પોલીસે પ્રાથમિક માહિતી આપતાં કહ્યું હતું કે પહેલા માળે રહેતો પ​રિવાર ઘરમાં રિનોવેશન કરાવી રહ્યો હતો. સિલિંગનું પ્લાસ્ટર કરતાં પહેલાં એનો ખરાબ ભાગ કાઢી નાખવાનું કામ ચાલી રહ્યું હતું ત્યારે એ સ્લૅબ તૂટી પડ્યો હતો, જેમાં પહેલા માળે કામ કરી રહેલા કામગાર અને ઉપરના માળે રહેતી વ્યક્તિ ઘાયલ થયાં હતાં. તેમને ફ્રૅક્ચર થયાં હતાં. ઘટનાની જાણ ફાયર-બ્રિગેડને કરવામાં આવી હતી.