મહારાષ્ટ્ર સરકારે ગૂગલ અને ઍપલને બાઇક-ટૅક્સીની ઍપ્સ દૂર કરવાની નોટિસ ફટકારી

ભારતમાં કામ કરતી બન્ને ટેક જાયન્ટ્સ હવે ભારતીય અધિકાર ક્ષેત્રને આધીન છે અને બાઇક-ટૅક્સીને લગતી કોઈ પણ ઘટનાની જવાબદારી એમની રહેશે.

પ્રતીકાત્મક તસવીર

મહારાષ્ટ્ર સાઇબર પોલીસે ગૂગલ અને ઍપલને કાનૂની નોટિસ ફટકારી છે જેમાં ગેરકાયદે બાઇક-ટૅક્સીના સંચાલનનો ઉલ્લેખ કરીને ઓલા, ઉબર અને રૅપિડોને તેમની ઍપ સ્ટોર્સમાંથી તાત્કાલિક દૂર કરવાની માગણી કરવામાં આવી છે.

મહારાષ્ટ્રના ટ્રાન્સપોર્ટ મિનિસ્ટર પ્રતાપ સરનાઈકે તાજેતરમાં જ બાઇક-ટૅક્સી ગેરકાયદે રીતે ચાલતી હોવાથી કડક કાર્યવાહી કરવાની ચેતવણી આપી હતી. ગૂગલની અમેરિકાના માઉન્ટન વ્યુમાં આવેલી ઑફિસ અને અમેરિકાના ક્યુપરટિનોમાં આવેલી ઍપલની ઑફિસમાં મોકલવામાં આવેલી નોટિસમાં ચેતવણી આપવામાં આવી છે કે ભારતમાં કામ કરતી બન્ને ટેક જાયન્ટ્સ હવે ભારતીય અધિકાર ક્ષેત્રને આધીન છે અને બાઇક-ટૅક્સીને લગતી કોઈ પણ ઘટનાની જવાબદારી એમની રહેશે.