SSC-HSCની પરીક્ષામાં સંવેદનશીલ સેન્ટરો પર રહેશે ડ્રોનની બાજનજર

મહારાષ્ટ્ર સ્ટેટ બોર્ડ ઑફ સેકન્ડરી ઍન્ડ હાયર સેકન્ડરી એજ્યુકેશન બોર્ડ દ્વારા HSCની પ​રીક્ષા ૧૧ ફેબ્રુઆરીથી ૧૮ માર્ચ દરમ્યાન અને SSCની પરીક્ષા ૨૧ ફેબ્રુઆરીથી ૧૭ માર્ચ દરમ્યાન લેવાવાની છે.

પ્રતીકાત્મક તસવીર

મહારાષ્ટ્ર સ્ટેટ બોર્ડ ઑફ સેકન્ડરી ઍન્ડ હાયર સેકન્ડરી એજ્યુકેશન બોર્ડ દ્વારા HSCની પ​રીક્ષા ૧૧ ફેબ્રુઆરીથી ૧૮ માર્ચ દરમ્યાન અને SSCની પરીક્ષા ૨૧ ફેબ્રુઆરીથી ૧૭ માર્ચ દરમ્યાન લેવાવાની છે. એ પરીક્ષાઓમાં કૉપી ન થાય એ માટે ચાંપતાં પગલાં લેવામાં આવે એવી સૂચના રાજ્યનાં ચીફ સેક્રેટરી સુજાતા સૌનિકે આપી છે. તેમણે બોર્ડને કહ્યું છે કે રાજ્યના જે પણ સંવેદનશીલ સેન્ટર્સ છે ત્યાં જિલ્લા પ્રશાસન દ્વારા ડ્રોન-કૅમેરાથી નજર રાખવામાં આવશે. એટલું જ નહીં, સેન્ટરની બહાર વિડિયો-કૅમેરાથી શૂટિંગ પણ કરવામાં આવશે. કૉપી રોકવા માટે દરેક સેન્ટર પર વિજિલન્સ સ્ક્વૉડ અને સ્પૉટ પર સતત હાજર રહે એવી સ્ક્વૉડ પણ તહેનાત કરવામાં આવશે. સાવચેતીની દૃ​ષ્ટિએ સેન્ટરથી ૫૦૦ મીટર સુધીમાં આવેલી ફોટોકૉપીની દુકાનો પણ બંધ રાખવામાં આવશે.