કલ્યાણમાં ખૂલશે મહારાષ્ટ્રની ચોથી ડ્રાઇવિંગ ટ્રેઇનિંગ ઍન્ડ રિસર્ચ ઇન્સ્ટિટ્યૂટ

આ ઇન્સ્ટિટ્યૂટ કલ્યાણ-અહિલ્યાનગર હાઇવે અને મુંબઈ-નાગપુર સમૃદ્ધિ એક્સપ્રેસવેની નજીક હોવાથી વ્યૂહાત્મક રીતે ખૂબ મહત્ત્વની છે.

પ્રતીકાત્મક તસવીર

રોડ-સેફ્ટીને મજબૂત કરવા અને ડ્રાઇવરોને ટ્રેઇનિંગ આપવા માટે કેન્દ્ર સરકારે કલ્યાણમાં ઇન્સ્ટિટ્યૂટ ઑફ ડ્રાઇવિંગ ટ્રેઇનિંગ ઍન્ડ રિસર્ચ (IDTR) સ્થાપવા માટે મંજૂરી આપી દીધી છે. પુણે, નાગપુર અને લાતુર બાદ રાજ્યમાં આ પ્રકારની આ ચોથી સંસ્થા હશે.

કલ્યાણમાં પબ્લિક-પ્રાઇવેટ પાર્ટનરશિપ (PPP) મૉડલ હેઠળ એ તૈયાર કરવામાં આવશે. આ પ્રોજેક્ટનો કુલ અંદાજિત ખર્ચ ૧૮.૪૨ કરોડ રૂપિયા છે, જેમાં કેન્દ્ર સરકાર ૧૭.૨૫ કરોડનો હિસ્સો આપશે. બાકીના ૧.૧૭ કરોડ પ્રાઇવેટ પાર્ટનર ભાસ્કરરાવ મહાજન સોશ્યલ, એજ્યુકેશનલ ઍન્ડ કલ્ચરલ ઑર્ગેનાઇઝેશન દ્વારા ભોગવવામાં આવશે.

આ ઇન્સ્ટિટ્યૂટ કલ્યાણ-અહિલ્યાનગર હાઇવે અને મુંબઈ-નાગપુર સમૃદ્ધિ એક્સપ્રેસવેની નજીક હોવાથી વ્યૂહાત્મક રીતે ખૂબ મહત્ત્વની છે.

આ સંસ્થામાં કમર્શિયલ અને પ્રાઇવેટ વ્હીકલ ડ્રાઇવરો માટે ઍડ્વાન્સ ટ્રેઇનિંગ, સ્કિલ ડેવલપમેન્ટ પ્રોગ્રામ અને રિસર્ચ કરાવવામાં આવશે જે માર્ગ-અકસ્માતો ઘટાડવામાં મદદરૂપ સાબિત થશે.