ડેવલપર ફ્લૅટધારકને પાર્કિંગ ન આપે ત્યાં સુધી દરરોજની ૧૦૦૦ રૂપિયા પેનલ્ટી

ત્રણ ફ્લૅટધારકોની ફરિયાદનો ઉકેલ આપતાં MahaRERAએ ડેવલપરને આ પેનલ્ટી ફટકારી હતી

પ્રતીકાત્મક તસવીર (તસવીર સૌજન્યઃ એઆઇ)

ફ્લૅટ ખરીદનારને કરાર મુજબ પાર્કિંગ ન મળ્યું હોય તો જ્યાં સુધી ડેવલપર પાર્કિંગ ન આપે ત્યાં સુધી ડેવલપર તરફથી દરરોજ ૧૦૦૦ રૂપિયા ફ્લૅટધારકને મળશે. ત્રણ ફ્લૅટધારકોની ફરિયાદનો ઉકેલ આપતાં મહારાષ્ટ્ર રિયલ એસ્ટેટ રેગ્યુલેટરી ઑથોરિટી (MahaRERA)એ ડેવલપરને આ પેનલ્ટી ફટકારી હતી.

એક હાઉસિંગ સોસાયટીમાં બનાવવામાં આવેલી પાંચ વિંગમાંથી ત્રણ વિંગમાં ડેવલપરે પાર્કિંગ આપ્યું હતું, જ્યારે અન્ય બે વિંગના રહેવાસીઓને પઝલ પાર્કિંગ આપવાનો વાયદો કરવા છતાં પાર્કિંગ આપ્યું નહોતું. જુલાઈ મહિનામાં રહેવાસીઓએ MahaRERAમાં આ અંગે ફરિયાદ કરી હતી. ત્યારે MahaRERA દ્વારા ડેવલપરને ૬૦ દિવસમાં પાર્કિંગ ચૂકવવાનો આદેશ આપવામાં આવ્યો હતો, પરંતુ ડેવલપર નિશ્ચિત મુદતમાં પાર્કિંગ આપવામાં નિષ્ફળ રહ્યો હતો એટલે MahaRERAએ હવે જ્યાં સુધી ફ્લૅટધારકોને પાર્કિંગ ન અપાય ત્યાં સુધી દરેક ફ્લૅટ માટે પેનલ્ટીરૂપે ૧૦૦૦ રૂપિયા આપવાનો આદેશ આપ્યો છે.