અંધેરી સ્ટેશન ધર્મપરિવર્તનના દાવામાં ટ્વિસ્ટ, વાયરલ વીડિયો સામે જૈન યુવતીએ નોંધાવી ફરિયાદ

વીડિયો રેકોર્ડ કરનાર મુસાફરે આ વૃદ્ધ સામે જઈને પૂછ્યું કે તેઓ જાહેર સ્થળે આવી પ્રવૃત્તિઓ કેમ કરી રહ્યા છે. જેના જવાબમાં આ વૃદ્ધએ કહ્યું કે તેઓ ફક્ત પ્રાર્થના પાઠ કરી રહ્યા હતા. અચાનક હસ્તક્ષેપથી છોકરી ચોંકી ગઈ છે અને સંઘર્ષ વધતાં તે મૂંઝવણમાં મુકાઇ.

વાયરલ વીડિયોમાંથી સ્ક્રીન શૉટ (તસવીર: X)

અંધેરી રેલવે સ્ટેશન પરનો એક વીડિયો સોશિયલ મીડિયા પર વાયરલ થયો હતો, જેમાં દાવો કરવામાં આવ્યો હતો કે એક વૃદ્ધ વ્યક્તિ એક કિશોરીનું `ધર્મ પરિવર્તન` કરવાનો પ્રયાસ કરી રહ્યો છે. વાયરલ ક્લિપમાં એક પુરુષ પ્લેટફોર્મ બેન્ચ પર બેઠેલી છોકરીની સામે ઉભો છે, તેના હાથ બંધ છે અને આંખો બંધ છે. એક હાથ તેના માથા ઉપર ઉંચો કરીને, તે શ્લોકો બોલતો દેખાય છે, જેના કારણે કેટલાક યુઝર્સએ દાવો કર્યો છે કે તે ધર્મ પરિવર્તન સાથે જોડાયેલી ધાર્મિક પ્રાર્થના કરી રહ્યો છે.

વીડિયોમાં મુસાફરે પુરુષને ઠપકો આપ્યો

વીડિયો રેકોર્ડ કરનાર મુસાફરે આ વૃદ્ધ સામે જઈને પૂછ્યું કે તેઓ જાહેર સ્થળે આવી પ્રવૃત્તિઓ કેમ કરી રહ્યા છે. જેના જવાબમાં આ વૃદ્ધએ કહ્યું કે તેઓ ફક્ત પ્રાર્થના પાઠ કરી રહ્યા હતા. અચાનક હસ્તક્ષેપથી છોકરી ચોંકી ગઈ છે અને સંઘર્ષ વધતાં તે મૂંઝવણમાં હોય એવું જણાયું હતું. આ દરમિયાન વીડિયો બનાવનાર મુસાફરે વૃદ્ધ પર રેલવે પરિસરમાં ધાર્મિક ધર્મ પરિવર્તનમાં સામેલ હોવાનો આરોપ કર્યો હતો. જેની સામે વૃદ્ધએ મક્કમતાથી જવાબ આપ્યો કે તે હિન્દુ છે અને કંઈ ખોટું નથી કરી રહ્યો. પ્રવાસીએ જવાબ આપે છે કે પ્લેટફોર્મ પર ખુલ્લેઆમ આવા કૃત્યો ન કરવા જોઈએ અને ચેતવણી આપે છે કે જો આવું ફરીથી થાય તો તે પોલીસને ઘટનાની જાણ કરી શકે છે.

વાયરલ વીડિયો અંગે GRP, RPF દ્વારા તપાસ શરૂ

આ વીડિયો વાયરલ થયા બાદ લોકોની ભારે પ્રતિક્રિયાઓ આવી, ઘણા લોકોએ ધાર્યું કે ક્લિપમાં ધર્મ પરિવર્તનનો પ્રયાસ દર્શાવવામાં આવ્યો છે. પરંતુ થોડા કલાકોમાં, અંધેરી સરકારી રેલવે પોલીસ (GRP) અને રેલવે પ્રોટેક્શન ફોર્સ (RPF) એ હકીકતોની ચકાસણી કરવા માટે તપાસ શરૂ કરી. જોકે, સત્ય વાયરલ દાવાઓથી દૂર હોવાનું બહાર આવ્યું. પોલીસે બન્ને વ્યક્તિઓને શોધી કાઢ્યા અને તેમની અલગથી પૂછપરછ કરી. તેમના નિવેદનોથી સ્પષ્ટ થયું કે ઘટનામાં કોઈ ધાર્મિક પરિવર્તન થઈ રહ્યું નથી, કે તેમાંથી કોઈ પણ ખ્રિસ્તી ધર્મ સાથે સંકળાયેલું નથી, જેમ કે ઓનલાઈન આક્ષેપ કરવામાં આવ રહ્યું છે. અધિકારીઓએ મીડિયાને જણાવ્યું કે બન્ને જૈન હિન્દુ છે અને એકબીજાને ઘણા સમયથી ઓળખે છે.

વૃદ્ધ વ્યક્તિ છોકરીને જાપાની ધ્યાન તકનીકો શીખવતા હતા

વૃદ્ધ વ્યક્તિએ સમજાવ્યું કે તે છોકરીને જાપાની ધ્યાન તકનીકો શીખવી રહ્યા હતા, અને કોઈ ધાર્મિક વિધિ નહોતી. છોકરીએ આ વાતની પુષ્ટિ કરી અને કહ્યું કે વાયરલ ક્લિપમાં પરિસ્થિતિનું સંપૂર્ણપણે ખોટું અર્થઘટન કરવામાં આવ્યું છે, જેનાથી તેની પ્રતિષ્ઠાને નુકસાન થયું છે. આ યુવતીએ હવે અંધેરી GRPમાં ઔપચારિક ફરિયાદ નોંધાવી છે અને ભ્રામક વીડિયો રેકોર્ડ કરનારા અને પ્રસારિત કરનારાઓ સામે કડક કાર્યવાહી કરવાની માગ કરી છે.