કોને મળી શકે છે આશા ભોસલેની કરોડોની પ્રૉપર્ટી?

દિગ્ગજ ગાયિકા આશા ભોસલેના નિધન પછી તેમની સંપત્તિ અને વારસદારો વિશે ચર્ચા ચાલી રહી છે.

આશા ભોસલે

દિગ્ગજ ગાયિકા આશા ભોસલેના નિધન પછી તેમની સંપત્તિ અને વારસદારો વિશે ચર્ચા ચાલી રહી છે. મળતી માહિતી પ્રમાણે આશા ભોસલેની કુલ નેટવર્થ આશરે ૧૦૦ કરોડથી ૨૫૦ કરોડ રૂપિયા વચ્ચે માનવામાં આવે છે. આ સંપત્તિ તેમણે લાંબી મ્યુઝિક-કરીઅર, રૉયલ્ટી, લાઇવ કૉન્સર્ટ્સ અને આંતરરાષ્ટ્રીય રેસ્ટોરાં બિઝનેસ દ્વારા કમાઈ છે. આ મિલકત વિશે અત્યાર સુધી કોઈ સત્તાવાર જાહેરાત કરવામાં આવી નથી કે તેમની સંપત્તિ કોને મળશે, પરંતુ પરિવારની સ્થિતિને જોતાં માનવામાં આવે છે કે તેમની મિલકતનો મોટો હિસ્સો તેમના નાના પુત્ર આનંદ ભોસલે અને નજીકના પરિવારજનોને મળી શકે છે.

આશા ભોસલેના પરિવારની વાત કરીએ તો તેમનાં ત્રણ સંતાનો હતાં. મોટા પુત્ર હેમંત ભોસલેનું કૅન્સરને કારણે તેમ જ દીકરી વર્ષા ભોસલેનું સુસાઇડ કરવાને લીધે અવસાન થયું હતું. હાલ આશા ભોસલેનો નાનો દીકરો આનંદ ભોસલે જીવિત છે જે તેમની કરીઅર અને બિઝનેસ સંભાળતો હતો. આ સંજોગોમાં મોટા ભાગની પ્રૉપર્ટી તેને જ મળે એવી શક્યતા છે.