ઑક્યુપન્સી સર્ટિફિકેટ મળ્યાના ત્રણ જ મહિના પછી બૅન્ગલોરમાં ૧૮ માળનો ટાવર નમવા લાગ્યો

૬૦ મીટર ઊંચો ટાવર લગભગ ૨૦૦ મિલીમીટર નમી ગયો છે, હાલમાં એમાં કોઈ તકલીફ થાય એમ નથી, પણ પંદરથી ૨૦ વર્ષ પછી એ તૂટી પડવાનો ભય હોવાથી બિલ્ડર અત્યારે જ એ તોડીને નવેસરથી કન્સ્ટ્રક્શન કરશે

૬૦ મીટર ઊંચો ટાવર લગભગ ૨૦૦ મિલીમીટર નમ્યો છે

ગ્રેટર બૅન્ગલોર ઑથોરિટી દ્વારા રહેવા માટે સલામત હોવાનું દર્શાવતું ઑક્યુપન્સી સર્ટિફિકેટ (OC) આપ્યાના ૩ મહિના પછી બૅન્ગલોરના SNN રાજ ઍટર્નિયા સોસાયટીમાં ૧૮ માળનો ટાવર નમેલો હોવાનું જાણવા મળ્યું હતું. ૪ વર્ષના બાંધકામ પછી પૂરા થયેલા આ ટાવરમાં ૪૯ ફ્લૅટ બાંધવામાં આવ્યા છે અને એ ખરીદનારાઓને પઝેશન આપવામાં આવનારું હતું, પણ ડેવલપરે પણ ટાવર નમેલો હોવાનું ઓળખ્યા પછી તેણે હૅન્ડઓવર પ્રક્રિયા અટકાવી દીધી હતી અને હવે એને ૬ મહિનામાં તોડી પાડવામાં આવશે. નોએડામાં સુપરટેક ટ્વિન ટાવર્સને નિયંત્રિત રીતે તોડી પાડવાની કામગીરી કરનારી કંપની એડિફાઇસ એન્જિનિયરિંગને આ કામ સોંપવામાં આવ્યું છે.

૬૦ મીટર ઊંચો ટાવર લગભગ ૨૦૦ મિલીમીટર નમ્યો છે.