કૉન્ગ્રેસના ઇતિહાસનું બીજા નંબરનું સૌથી ખરાબ પ્રદર્શન, માત્ર ૬ બેઠક મળી

છેલ્લી પાંચ વિધાનસભા ચૂંટણીમાં ત્રીજી વાર કૉન્ગ્રૅસ ડબલ ડિજિટમાં પહોંચવામાં પણ નિષ્ફળ ગઈ હતી

ગઈ કાલે ચૂંટણીનાં પરિણામ આવી રહ્યાં હતાં ત્યારે દિલ્હીની કૉન્ગ્રેસની ઑફિસ પર સન્નાટો છવાયેલો હતો

માત્ર ૬ વિધાનસભા બેઠકો પર વિજય મેળવીને કૉન્ગ્રૅસે બિહારની વિધાનસભા ચૂંટણીના પોતાના ઇતિહાસમાં અત્યાર સુધીનું બીજા નંબરનું સૌથી ખરાબ પ્રદર્શન કર્યું હતું. આ પહેલાં ૨૦૦૫માં બિહારમાં એક નહીં બે વાર વિધાનસભા ચૂંટણી થઈ હતી ત્યારે ફેબ્રુઆરી અને ઑક્ટોબરમાં યોજાયેલી બે જુદી-જુદી વિધાનસભા ચૂંટણીમાં કૉન્ગ્રૅસને માત્ર ૧૦ અને ૯ બેઠકો જ મળી હતી, જ્યારે ૨૦૧૦માં કૉન્ગ્રૅસ માત્ર ૪ સીટોમાં સમેટાઈ ગઈ હતી. આમ છેલ્લી પાંચ વિધાનસભા ચૂંટણીમાં ત્રીજી વાર કૉન્ગ્રૅસ ડબલ ડિજિટમાં પહોંચવામાં પણ નિષ્ફળ ગઈ હતી.