કારમો પરાજય થયો, પણ RJD વોટશૅરમાં નંબર વન

તેજસ્વી યાદવ

NDAના તમામ સાથી પક્ષોનો મળીને ટોટલ વોટશૅર ૪૮ ટકા જેટલો રહ્યો હતો, જ્યારે મહાગઠબંધનના ભાગે ખૂબ ઓછી બેઠકો આવી હોવા છતાં તેમનો વોટશૅર ૩૮ ટકા હતો. કારમી હાર છતાં આ પરિણામોમાં તેજસ્વી યાદવ માટે એક પૉઝિટિવ વાત પણ સામે આવી હતી. બિહારમાં થયેલા કુલ મતદાનમાંથી સૌથી વધુ મત RJDને મળ્યા હતા. તેમનો વોટશૅર ૨૩ ટકા સાથે સૌથી વધુ રહ્યો હતો. બીજા નંબરે BJPને ૨૦.૦૮ ટકા જેટલા મત મળ્યા હતા, જ્યારે JDUને ૧૯.૨૬ ટકા અને કૉન્ગ્રેસને ૮.૭૮ ટકા મત મળ્યા હતા. NDA સાથે મળીને ચિરાગ પાસવાનની પાર્ટી LJPRPએ ૫.૨ ટકા વોટશૅર મેળવ્યો હતો. બન્ને ગઠબંધનોથી અલગ ઇલેક્શન લડેલી પાર્ટીઓએ મળીને પણ કુલ ૧૪ ટકા મતો મેળવ્યા હતા, જેમાં સૌથી વધુ પ્રશાંત કિશોરની જન સુરાજ પાર્ટીએ ૩.૪૪ ટકા વોટશૅર મેળવ્યો હતો.