રાંચીમાં આર્મી ફાયરિંગ રેન્જમાં ભીષણ આગ, આસપાસના વિસ્તારોમાં ભયનો માહોલ

Fire in Army Firing Range: શનિવારે બપોરે ૧:૪૫ વાગ્યે બરિયાતુ રોડ પર આર્મી ફાયરિંગ રેન્જમાં રાખવામાં આવેલા ટાયરમાં ભીષણ આગ લાગી હતી. ટાયરની સાથે કેટલીક અન્ય વસ્તુઓ પણ બળી ગઈ હતી. આગ એટલી ઝડપથી ફેલાઈ ગઈ કે થોડી જ વારમાં તે ઘણા દૂર સુધી ફેલાઈ ગઈ.

રાંચીમાં આર્મી ફાયરિંગ રેન્જમાં ભીષણ આગ

શનિવારે બપોરે ૧:૪૫ વાગ્યે બરિયાતુ રોડ પર આર્મી ફાયરિંગ રેન્જમાં રાખવામાં આવેલા ટાયરમાં ભીષણ આગ લાગી હતી. ટાયરની સાથે કેટલીક અન્ય વસ્તુઓ પણ બળી ગઈ હતી. આગ એટલી ઝડપથી ફેલાઈ ગઈ કે થોડી જ વારમાં તે ઘણા દૂર સુધી ફેલાઈ ગઈ. જોકે, કલાકોની મહેનત પછી ફાયર બ્રિગેડના કર્મચારીઓ દ્વારા તેને બુઝાવવામાં આવી હતી. આગ કેવી રીતે લાગી તે જાણી શકાયું નથી. ઘટનાની જાણ થતાં જ સેનાના અધિકારીઓ, રાંચી સબ-ડિવિઝનલ ઓફિસર, સદર ડીએસપી વગેરે ઘટનાસ્થળે પહોંચી ગયા હતા. દરમિયાન, ફાયર બ્રિગેડ પણ પહોંચી ગઈ હતી અને આગ ઓલવવાનું શરૂ કર્યું હતું. ટાયરમાં લાગેલી આગ એટલી ભયંકર હતી કે નજીકના વિસ્તારોમાં ગભરાટ ફેલાઈ ગયો હતો.

આકાશમાં ધુમાડાના ગોટેગોટા છવાઈ ગયા. બાદમાં, ડોરાન્ડાથી બે ફાયર ટેન્ડર, પિસ્કા મોડથી એક અને ધુરવાથી એક ફાયર ટેન્ડર ઘટનાસ્થળે પહોંચ્યા. સાતેય ટેન્ડરો સાથે ભારે પ્રયાસો બાદ, આખરે આગ કાબુમાં લેવામાં આવી. ફાયર બ્રિગેડના કર્મચારીઓ સલામતી માટે સાંજ સુધી ઘટનાસ્થળે રહ્યા. પોલીસના જણાવ્યા અનુસાર, જ્યાં આગ લાગી તે ફાયરિંગ રેન્જમાં સેનાના જવાનો ફાયરિંગ પ્રેક્ટિસ કરતા હતા. આ જ કારણ છે કે નજીકમાં રહેતા લોકોના રક્ષણ માટે ટાયરનો મોટો બેરિકેડ બનાવવામાં આવ્યો હતો.

તાજેતરમાં, જમ્મુ-કાશ્મીરની આંતરરાષ્ટ્રીય સીમા અને નિયંત્રણરેખા પાસે છેલ્લી કેટલીક રાતોથી ડ્રોન દેખાવાના સિલસિલા પછી પૂંછ જિલ્લાના બાલાકોટમાં એક પછી એક લૅન્ડમાઇન્સ ફાટી હતી. આ ધમાકાને કારણે જંગલમાં આગ લાગી ગઈ હતી. આગને કાબૂમાં લેવા સેના અને ફાયર-બ્રિગેડ ઘટનાસ્થળે પહોંચી ગઈ હતી.

સોમવારે બપોરે ૧.૫૦ વાગ્યે બાલાકોટ સેક્ટરમાં આગ લાગતાં પાંચ સુરંગોમાં વિસ્ફોટ થયો હતો. એ આગ ધીમે-ધીમે ફેલાઈ રહી હોવાથી આસપાસના વિસ્તારોમાં મૂકેલી લૅન્ડમાઇન્સ પણ ફાટી હતી અને એક પછી એક વધુ ધમાકાઓ સાંભળવા મળ્યા હતા. આ દરમ્યાન કોઈ જાનહાનિ નહોતી થઈ. સીમા વિસ્તાર પર લૅન્ડમાઇન્સ ઘૂસણખોરી રોકવા માટે બિછાવવામાં આવી હતી.
સુરક્ષા એજન્સીઓનું કહેવું છે કે પાકિસ્તાન આવા ધમાકા કરીને આતંકવાદીઓને ઘુસાડવાની કોશિશમાં છે.

મહારાષ્ટ્રના પાલઘર જિલ્લામાંથી આગ લાગવાનો હાદસો (Palghar Fire) સામે આવ્યો છે. આજે ગુરુવારે સવારે ફોમ ઉત્પાદનો બનાવતી એક કંપનીના ગોડાઉનમાં ભીષણ આગ ફાટી નીકળી હતી એમ અધિકારીઓએ માહિતી આપતાં જણાવ્યું હતું. અત્યાર સુધી આ બનાવમાં કોઈ જાનહાનિ થયાના અહેવાલ નથી.

જિલ્લા ડિઝાસ્ટર મેનેજમેન્ટ સેલના વડા વિવેકાનંદ કદમે આ સમગ્ર ઘટના (Palghar Fire)નો ચિતાર આપતાં જણાવ્યું હતું કે પાલઘરના માહિમ વિસ્તારના ચિંતુપાડા ખાતે ભગવતી ફોમ લિમિટેડ નામની એક કંપનીના ગોડાઉનમાં સવારે નવ વાગ્યાની આસપાસ આગ ફાટી નીકળી હતી. આ કંપનીની વેબસાઇટ અનુસાર તે પોલીયુરેથીન ફોમ ઉત્પાદનો તૈયાર કરવાનું કામ કરે છે. ખાસ કરીને ગાદલા, ફર્નિચર, ઔદ્યોગિક ઉપયોગો માટે જે ફોમ વપરાય છે તે આ કંપની દ્વારા પૂરા પાડવામાં આવે છે. આ ઘટના અંગે કદમે જણાવ્યું હતું કે આગની માહિતી મળતાંની સાથે જ ફાયરબ્રિગેડની બે ગાડીઓ ઘટનાસ્થળે મોકલી દેવામાં આવી હતી અને આગને કાબૂમાં લેવામાં આવી હતી. અધિકારીએ રાહતના સમાચાર શેર કરતાં જણાવ્યું છે કે  આ ઘટનામાં કોઈ ઘાયલ થયું નથી. જોકે, આગ લાગવાનું ચોક્કસ કારણ હજુ સુધી જાણી શકાયું નથી.