Kolkata: બળાત્કાર કેસમાં લો કોલેજના ગાર્ડ સહિત ચારની ધરપકડ

Kolkata Law Student Gang Rape Case: કોલકાતા પોલીસે જણાવ્યું હતું કે, કોલકાતા ગેંગ રેપ કેસમાં લો કોલેજના ગાર્ડ પિનાકી બેનર્જીની ધરપકડ કરી છે

પ્રતીકાત્મક તસવીર

કોલકાતા (Kolkata)માં દક્ષિણ કોલકાતા લો કોલેજ (South Calcutta Law College)માં ગેંગરેપની ઘટના (Kolkata Law Student Gang Rape Case)એ સમગ્ર બંગાળ (Bengal)ને હચમચાવી નાખ્યું છે. કોલકાતા પોલીસ (Kolkata Police)એ હવે આ કેસમાં કોલેજના સુરક્ષા ગાર્ડ પિનાકી બેનર્જીની ધરપકડ કરી છે. અગાઉ ત્રણ આરોપી વિદ્યાર્થીઓની ધરપકડ કરવામાં આવી હતી. હવે ચોથી ધરપકડથી આ કેસની ગંભીરતામાં વધુ વધારો થયો છે.

દક્ષિણ કોલકાતાની સાઉથ કોલકાતા લો કોલેજમાં ૨૫ જૂનની રાત્રે એક યુવતી પર સામૂહિક બળાત્કારનો સનસનાટીભર્યો મામલો પ્રકાશમાં આવ્યો છે. પીડિતાના નિવેદન અને પ્રારંભિક તપાસમાં બહાર આવેલા તથ્યોના આધારે, પોલીસે ત્રણ આરોપીઓની ધરપકડ કરી છે. તેમાંથી એક ભૂતપૂર્વ વિદ્યાર્થી નેતા છે, જ્યારે બે વર્તમાન વિદ્યાર્થીઓ છે.

દક્ષિણ કોલકાતા લો કોલેજમાં બળાત્કારની ઘટના બની છે. આ કેસમાં અગાઉ કોલકાતા પોલીસે ત્રણ આરોપીઓની ધરપકડ કરી છે અને આ આરોપીઓમાં તૃણમૂલ કોંગ્રેસ (Trinamool Congress)ના વિદ્યાર્થી સંઘના એક નેતાનો પણ સમાવેશ થાય છે. ત્યારબાદ, આજે પોલીસે બીજી મોટી કાર્યવાહી કરી છે. આ લો કોલેજના સુરક્ષા ગાર્ડની પણ આ કેસમાં ધરપકડ કરવામાં આવી છે.

કોલકાતા કથિત ગેંગ રેપ કેસમાં, કોલકાતા પોલીસે કહ્યું છે કે, આ કેસમાં લો કોલેજના ગાર્ડ ૫૫ વર્ષીય પિનાકી બેનર્જીની પણ ધરપકડ કરવામાં આવી છે. પોલીસ અધિકારીએ જણાવ્યું હતું કે પોલીસે પૂછપરછ માટે જે ગાર્ડને અટકાયતમાં લીધો હતો તેની ધરપકડ કરવામાં આવી છે. તેમણે કહ્યું, `આજે સવારે સુરક્ષા ગાર્ડની ધરપકડ કરવામાં આવી હતી. તે જવાબો આપી રહ્યો હતો. કોલેજમાં તેની હાજરી કોલેજમાં લગાવેલા સીસીટીવીમાં કેદ થઈ ગઈ હતી.`

અધિકારીએ કહ્યું કે, ગાર્ડ તેની ફરજમાં નિષ્ફળ ગયો. તે જવાબ આપી શક્યો નહીં કે તેણે યોગ્ય કાર્યવાહી કેમ ન કરી અને તેણે ત્રણ આરોપીઓને ગુનો કરતા કેમ ન રોક્યા? શા માટે અને કોના આદેશ પર તે તેના રૂમમાંથી બહાર આવ્યો. તે આનો જવાબ પણ આપી રહ્યો નથી. આ પણ ગુનામાં એક પ્રકારની સંડોવણી છે. હવે પોલીસ એ જાણવાનો પ્રયાસ કરી રહી છે કે, પિનાકી બેનર્જી તે સમયે ફરજ પર એકલો હતો કે નહીં.

આ કેસમાં પોલીસે મુખ્ય આરોપી અને તૃણમૂલ કોંગ્રેસના વિદ્યાર્થી નેતા ૩૧ વર્ષીય મોનોજીત મિશ્રા, ૧૯ વર્ષીય ઝૈબ અહેમદ અને ૨૦ વર્ષીય પ્રોમિત મુખોપાધ્યાયની ધરપકડ કરી છે. મોનોજીત આ કોલેજનો ભૂતપૂર્વ વિદ્યાર્થી છે, જ્યારે ઝૈબ અને પ્રોમિત હાલના વિદ્યાર્થીઓ છે. કોર્ટે ત્રણેય આરોપીઓને ચાર દિવસની પોલીસ કસ્ટડીમાં મોકલી દીધા છે. પીડિતાનું નિવેદન ન્યાયિક મેજિસ્ટ્રેટ સમક્ષ નોંધવામાં આવ્યું છે. મેડિકલ રિપોર્ટમાં ગેંગરેપની પુષ્ટિ થઈ છે. મોનોજીતના સોશિયલ મીડિયા હેન્ડલ પરથી જાણવા મળ્યું છે કે, તે કોલેજના તૃણમૂલ કોંગ્રેસ છાત્ર પરિષદ એકમ (Trinamool Congress Chhatra Parishad unit)ના ભૂતપૂર્વ પ્રમુખ અને ટીએમસી વિદ્યાર્થી સંગઠનની દક્ષિણ કોલકાતા શાખાના સંગઠન (South Kolkata branch of the TMC student organization) સચિવ છે.

વિદ્યાર્થીનીએ ફરિયાદમાં જણાવ્યું હતું કે, જ્યારે તેણીએ મોનોજીતના લગ્ન પ્રસ્તાવનો ઇનકાર કર્યો, ત્યારે તેણે તેના મિત્રો સાથે મળીને તેને માર માર્યો. તેઓ તેને ગાર્ડ રૂમમાં ખેંચી ગયા. મોનોજીતે તેના પર બળાત્કાર ગુજાર્યો. પીડિતાએ ઘટનાનું વર્ણન કરતા ફરિયાદમાં જણાવ્યું છે કે, ‘આરોપીઓએ મને સેક્સ કરવાના ઇરાદાથી બળજબરી કરી. ત્યારબાદ મેં ના પાડી અને પ્રતિકાર કર્યો. મેં રડતાં રડતાં તેને મને છોડી દેવા કહ્યું. હું આરોપીના પગે પડી ગઈ, મને જવા દેવા વિનંતી કરી, પરંતુ તેણે સાંભળ્યું નહીં અને મને ગાર્ડના રૂમમાં લઈ ગયો’. બંને આરોપીઓ બહાર ચોકી કરી રહ્યા હતા. પીડિતાએ આરોપ લગાવ્યો હતો કે આરોપીઓએ કોલેજનો મુખ્ય દરવાજો બંધ કરી દીધો હતો અને સુરક્ષા ગાર્ડને તેના રૂમની બહાર બેસાડ્યો હતો. પીડિતાએ ફરિયાદમાં એમ પણ કહ્યું હતું કે, મોનોજીતે તેના બોયફ્રેન્ડને માર મારવાની અને તેના માતાપિતાને ખોટા કેસમાં ફસાવવાની ધમકી આપી હતી.

આ ગુનો ૨૫ જૂનના રોજ સાંજે વિદ્યાર્થી સંઘ કાર્યાલયની બાજુમાં આવેલા કોલેજ ગાર્ડ રૂમમાં થયો હતો. આરોપીએ ત્રણ કલાકથી વધુ સમય સુધી તેના પર બળાત્કાર ગુજાર્યો હતો. પોલીસે ગાર્ડ રૂમને સીલ કરી દીધો છે. વધુ તપાસ ચાલી રહી છે.

દક્ષિણ કલકત્તા લો કોલેજમાં બનેલી આ ઘટનાએ ગયા વર્ષે ઓગસ્ટમાં આરજી કાર મેડિકલ કોલેજમાં એક વિદ્યાર્થીની પર થયેલા બળાત્કાર અને હત્યાના ભયાનક કિસ્સાની યાદ અપાવી દીધી.