પશ્ચિમ બંગાળમાં હુગલી નદીમાં નરેન્દ્ર મોદીએ નૌકાસફર અને ફોટોગ્રાફી કરી

નાવચાલકને ગળે મળીને ૧૦૦૦ રૂપિયા આપ્યા અને સ્થાનિક લોકો સાથે અનૌપચારિક વાતો કરી

સોશ્યલ મીડિયા પર આ નૌકાવિહારની તસવીરો શૅર કરી નરેન્દ્ર મોદીએ

ગઈ કાલે સવારે નરેન્દ્ર મોદીએ પશ્ચિમ બંગાળની હુગલી નદીમાં નૌકામાં સવારી કરી હતી. એ દરમ્યાન તેમણે ખુદ ફોટોગ્રાફી પણ કરી હતી અને નાવિકો સાથે વાતચીત કરીને તેમની સમસ્યાઓ જાણી હતી. જે નૌકામાં સવારી કરી એના નાવિકને ૧૦૦૦ રૂપિયા આપીને ગળે લગાવ્યો હતો.

સોશ્યલ મીડિયા પર આ નૌકાવિહારની તસવીરો શૅર કરીને નરેન્દ્ર મોદીએ લખ્યું હતું કે ‘દરેક બંગાળીના દિલમાં ગંગા બહુ જ મહત્ત્વનું સ્થાન ધરાવે છે. એ કહેવું ખોટું નહીં હોય કે ગંગા બંગાળના આત્મામાં વહે છે. ગઈ કાલે સાંજે હાવડાથી કલકત્તાના લાંબા રોડ-શો દરમ્યાન હાવડા બ્રિજ પર હતો. આજે સવારે હુગલી નદી પરથી હાવડા બ્રિજ જોયો.’