૪૦૦૦ કિલોમીટર દૂર આવેલું ટાયફૂન ડૉલ્ફિન ભારતના મૉન્સૂનને દબાવી દેશે એવો વેધર-નિષ્ણાતોનો અંદાજ

ડૉલ્ફિન વાવાઝોડું પૂર્વી ચીનમાં ત્રાટક્યું છે જેમાં મુશળધાર વરસાદ આવ્યો છે અને શક્તિશાળી પવનો ફૂંકાયા છે.

ચીનમાં ઝેજિઆંગ પ્રાંતમાં આવેલા વેન્ઝોઉમાં ટાયફૂલ ડૉલ્ફિનને કારણે પડી ગયેલી દીવાલને લીધે નુકસાનગ્રસ્ત થયેલી ગાડીઓ.

પશ્ચિમ પૅસિફિકમાં આવેલું ટાયફૂન ડૉલ્ફિન ભારતથી આશરે ૪૦૦૦ કિલોમીટર દૂર છે, પણ એ ભારતના ચોમાસાના વરસાદને દબાવી રહ્યું છે હોવાનો વેધર-નિષ્ણાતોનો અંદાજ છે. આ ટાયફૂન સીધું ભારતની નજીક આવી રહ્યું નથી, પરંતુ વાતાવરણીય પરિભ્રમણ દ્વારા એની પરોક્ષ અસર થઈ શકે છે. વૈજ્ઞાનિક અભ્યાસો દર્શાવે છે કે પશ્ચિમ-ઉત્તર પૅસિફિકમાં સક્રિય ચક્રવાતી તોફાનો બંગાળની ખાડીમાં લો-પ્રેશર સિસ્ટમના વિકાસને પ્રભાવિત કરી શકે છે. આ પરિભ્રમણ અને હિન્દી મહાસાગર સુધી પહોંચતાં વાતાવરણીય તરંગોને બદલી શકે છે જે સંભવિત રીતે ભારતની વરસાદવાહક પ્રણાલીઓ ઉત્પન્ન કરતી પદ્ધતિઓને નબળી બનાવી શકે છે.

ડૉલ્ફિન વાવાઝોડું પૂર્વી ચીનમાં ત્રાટક્યું છે જેમાં મુશળધાર વરસાદ આવ્યો છે અને શક્તિશાળી પવનો ફૂંકાયા છે. આ વર્ષે અત્યાર સુધી ચીનમાં ત્રાટકેલું આ સૌથી શક્તિશાળી ચક્રવાત છે જે ૯ ઑગસ્ટે ઝેજિયાંગ પ્રાંતના યુહુઆન નજીક લગભગ ૧૫૧ કિલોમીટર પ્રતિ કલાકની ઝડપે પવન સાથે લૅન્ડફૉલ થયું હતું.