26 July, 2024 02:12 PM IST | Madhya Pradesh | Gujarati Mid-day Correspondent
રાજુ
મધ્ય પ્રદેશના પન્ના જિલ્લામાં આવેલી એક ખાણમાં કામ કરનાર રાજુ ગૌડની કિસ્મત ચમકી ગઈ છે. તે છેલ્લાં ૧૦ વર્ષથી ખાણમાં ખોદકામ કરી રહ્યો છે અને બુધવારે તેની ડ્યુટીના ટાઇમે સવારે તે કામ પર ગયો એ દરમ્યાન તેને ૧૯.૨ કૅરૅટનો હીરો મળ્યો હતો. ડિસ્ટ્રિક્ટ કલેક્ટર સુરેશ કુમારે જણાવ્યા મુજબ ઑક્શનમાં આ હીરાની કિંમત ૮૦ લાખ રૂપિયા આવી શકે છે. આ પૈસાથી રાજુની હાડમારી દૂર થશે અને તેનાં બાળકોને સારું એજ્યુકેશન પૂરું પાડી શકશે એવું તેનું માનવું છે. આ હીરો મળતાં તે સીધો સરકારી કચેરીમાં પહોંચી ગયો હતો. આ ડાયમન્ડને આગામી ઑક્શનમાં હરાજી માટે મૂકવામાં આવશે.