૨૫૦ એકરમાં ફેલાયેલું સોલર ફાર્મ પાન્ડા જેવું દેખાય છે

આસમાનમાંથી ૨૫૦ એકરના વિસ્તારમાં ફેલાયેલો દેખાતો પાન્ડા ચીનની ખાસિયતને પણ ઉજાગર કરે છે અને લૅન્ડસ્કેપ આર્ટનો પીસ પણ છે

ચીનના ડાટોન્ગમાં આવેલું સોલર ફાર્મ

ચીનના ડાટોન્ગમાં એક સોલર ફાર્મ છે. એ ક્ષેત્રફળની દૃષ્ટિએ વિશાળ હોવાની સાથે-સાથે આર્ટવર્કનો નમૂનો પણ છે. આ સોલર ફાર્મ બનાવવા માટે જે સોલર પૅનલ્સ બનાવવામાં આવી છે એ બ્લૅક અને વાઇટ પૅટર્નમાં છે. એ બન્ને પૅટર્નને એવી રીતે ગોઠવવામાં આવી છે કે એનાથી જાયન્ટ પાન્ડાનો શેપ રચાય છે. આસમાનમાંથી ૨૫૦ એકરના વિસ્તારમાં ફેલાયેલો દેખાતો પાન્ડા ચીનની ખાસિયતને પણ ઉજાગર કરે છે અને લૅન્ડસ્કેપ આર્ટનો પીસ પણ છે. આ સોલર ફાર્મની કૅપેસિટી ૧૦૦ મેગાવૉટ ક્ષમતાની છે જે આગામી પચીસ વર્ષમાં ૩.૨ અબજ કિલોવૉટની ક્લીન એનર્જી જનરેટ કરશે. એનાથી ૧૦ લાખ ટન કોલસો બચશે અને ૨૭.૪ ટન કાર્બન ડાયોક્સાઇડ ઓછો પેદા થશે. યુનાઇટેડ નેશન્સ ડેવલપમેન્ટ પ્રોગ્રામની સાથે ડેવલપ કરવામાં આવેલી આ સાઇટ એક યુથ ઍક્ટિવિટી સેન્ટર તરીકે પણ કાર્યરત છે. અહીં વિદ્યાર્થીઓ ક્લાઇમેટ ચેન્જ અને સોલર ટેક્નૉલૉજી વિશે શીખે છે.