લગ્ન પહેલાં દુલ્હન દાઝી ગઈ, દુલ્હાએ હૉસ્પિટલના બર્ન વૉર્ડમાં તેની સાથે લગ્ન કર્યાં

ઘરઆંગણે બારાત આવી ગયેલી અને કન્યાપક્ષના લોકો દુલ્હન અને પરિવારજનોને લઈને હૉસ્પિટલમાં ભાગ્યા હતા

તસવીર સૌજન્યઃ સોશ્યલ મીડિયા

ઉત્તર પ્રદેશના કાનપુરમાં બૉલીવુડની ફિલ્મ ‘વિવાહ’ જેવો માહોલ બન્યો હતો. વાત એમ હતી કે લગ્નની રસમ ચાલી રહી હતી એ વખતે દુલ્હનના ઘરમાં ગૅસ-સિલિન્ડર ફાટતાં દુલ્હન સહિત ૧૨ જણ બહુ ખરાબ રીતે દાઝ્યા હતા. ઘરઆંગણે બારાત આવી ગયેલી અને કન્યાપક્ષના લોકો દુલ્હન અને પરિવારજનોને લઈને હૉસ્પિટલમાં ભાગ્યા હતા. દાઝવાને કારણે દુલ્હન પણ ખૂબ દાઝી ગઈ હતી. એવામાં કન્યા પક્ષને શંકા હતી કે કદાચ દુલ્હો હવે લગ્ન કરવાની ના પણ પાડી દઈ શકે છે. જોકે એવું થવાને બદલે દુલ્હાએ લગ્ન ટાળવાનો જ ઇનકાર કરી દીધો. તેણે એ જ નિર્ધારિત મુહૂર્તમાં હૉસ્પિટલના બર્ન્સ વૉર્ડમાં દાઝેલી દુલ્હન સાથે લગ્નની વિધિ કરી હતી અને તેને જયમાલા પહેરાવીને સેંથામાં સિંદૂર પણ ભરી દીધું હતું.