૧ બાઇક પર ૨.૩૬ લાખ રૂપિયાનાં કુલ ૧૦૭ પેન્ડિંગ ચલાન

આ બાઇકરે અત્યારે ચલાન બનાવી દો, પછીથી ફાઇન ભરી દઈશ એવો ઑપ્શન પસંદ કર્યો

ટ્રાફિક પોલીસે એક યુવાનને તેની બાઇક સાથે રોક્યો હતો

દિલ્હી પાસે ગુડગાંવમાં એક ટ્રાફિક પોલીસને પણ તેના જીવનમાં કદી ન જોયો હોય એવો કેસ જોવા મળ્યો. વાહનોની રૂટીન તપાસ દરમ્યાન ટ્રાફિક પોલીસે એક યુવાનને તેની બાઇક સાથે રોક્યો હતો. તેણે હેલ્મેટ પહેરી નહોતી એટલે પોલીસે તેને આંતરી લીધો હતો. સામાન્ય રીતે રોડ પર ટ્રાફિક પોલીસ બે ઑપ્શન આપે છે. એક તો એ કે લેટેસ્ટ ગુનાનો ફાઇન ભરીને છૂટી જવું છે કે પછી અત્યારે ચલાન કાપીએ અને તમે ટ્રાફિક પોલીસ પાસે જઈને પછીથી ફાઇન ભરી લેશો? આ બાઇકરે અત્યારે ચલાન બનાવી દો, પછીથી ફાઇન ભરી દઈશ એવો ઑપ્શન પસંદ કર્યો. જોકે એ માટે તેની બાઇકનો નંબર વેબસાઇટ પર નાખીને તપાસ કરી તો આ બાઇક પર ઑલરેડી ૧૦૭ ચલાન પેન્ડિંગ હતાં. એ બધાની કુલ દંડની રકમ થતી હતી ૨.૩૬ લાખ રૂપિયાથી વધુ. આ રકમ જોયા પછી પોલીસે તેની બાઇક જ જપ્ત કરી લીધી હતી.