મેક્સિકોના આ કલાકારે ૬ મહિનાની મહેનત કરીને લાકડામાંથી ફુલ્લી વર્કિંગ ફુટબૉલ-ટેબલ બનાવ્યું

મેક્સિકોના કલાકાર લુઇસ ગૅબ્રિઅલે લાકડાની કોતરણીથી સંપૂર્ણ કાર્યરત ટેબલ સૉકર તૈયાર કરીને સૌને આશ્ચર્યચકિત કર્યા છે. ‘દેવતાઓની વિરાસત’ નામના આ અનોખા આર્ટવર્કને બનાવવામાં છ મહિના લાગ્યા અને તેને રાષ્ટ્રીય આર્ટ સ્પર્ધામાં પ્રથમ પુરસ્કાર મળ્યો.

મેક્સિકોના આ કલાકારે ૬ મહિના મહેનત કરી લાકડાથી ફુટબૉલ-ટેબલ બનાવ્યું

લુઇસ ગૅબ્રિઅલ નામના મેક્સિકોના એક યુવાન આર્ટિસ્ટે લાકડામાંથી કોતરણી કામ કરીને એક અદ્ભુત આર્ટવર્ક તૈયાર કર્યું છે. આ માસ્ટરપીસ માત્ર દેખાવનો નથી, ફુલ્લી ફંક્શનલ પણ છે. રિયલ સાઇઝના ટેબલ સૉકરનો સેટ લુઇસે લાકડાની કોતરણીથી બનાવ્યો છે. લાકડામાં કોતરણી કામ કરીને એમાંથી ટેબલ, ફુટબૉલના પ્લેયર્સ અને બૉલ તૈયાર કર્યાં છે. એ ટેક્નિકલી પણ ફુટબૉલના તમામ નિયમોને ધ્યાનમાં રાખીને તૈયાર થયું છે. આ માસ્ટરપીસને નામ આપ્યું છે દેવતાઓની વિરાસત. નૅશનલ આર્ટ કૉમ્પિટિશન માટે તૈયાર કરવામાં આવેલા પીસને પહેલું પ્રાઇઝ મળ્યું છે. જોકે આ માટે કલાકારે લગભગ ૬ મહિના સુધી દિવસ-રાત મહેનત કરી છે.