એશિયને ગેમ્સની મેન્સ ક્રિકેટ ઇવેન્ટમાં અફઘાનિસ્તાનની વિજયી શરૂઆત

ઓપનિંગ મૅચમાં જપાન સામે ૧૨૯ રન ડિફેન્ડ કરીને ૪૮ રને જીત્યું

પ્રતીકાત્મક તસવીર

જપાનના કોરોગી સ્પોર્ટ્‍સ પાર્કમાં ગઈ કાલે એશિયને ગેમ્સ 2026ની મેન્સ ક્રિકેટ ઇવેન્ટનો પ્રારંભ થયો હતો. ઓપનિંગ મૅચમાં યજમાન જપાનને અફઘાનિસ્તાન સામે ૪૮ રને હારનો સામનો કરવો પડ્યો હતો. યંગ ક્રિકેટર્સવાળી અફઘાનિસ્તાનની ટીમના ૧૨૯-૬ના સ્કોરની સામે જપાન ૧૯.૩ ઓવરમાં ૮૧ રને ઑલઆઉટ થઈ ગયું હતું. 
અફઘાની લેગ-સ્પિનર અરબ ગુલે ઇન્ટરનૅશનલ ડેબ્યુ મૅચમાં માત્ર ૮ રન આપીને ૪ વિકેટ લીધી હતી. ૧૨મી અને ૧૪મી ઓવરમાં એક પણ રન આપ્યા વગર તેણે બે-બે વિકેટ લીધી હતી.