પ્રતિષ્ઠાના જંગ પહેલાં પર્થમાં પરસેવો પાડ્યો ભારત-ઑસ્ટ્રેલિયાના પ્લેયર્સે

રોહિત શર્મા સાથે વાતચીત કરી હેલો હેડ કોચ ગૌતમ ગંભીર, ગઈ કાલે પ્રૅક્ટિસ વખતે વિરાટ કોહલી

કાંગારૂઓ સામેની ત્રણ મૅચની વન-ડે સિરીઝ માટે બે ગ્રુપમાં ભારતીય પ્લેયર્સ ઑસ્ટ્રેલિયા પહોંચી ચૂક્યા છે. ગઈ કાલે બન્ને ટીમના પ્લેયર્સે વન-ડે સિરીઝ માટેની અંતિમ સમયની તૈયારી પર્થ સ્ટેડિયમમાં શરૂ કરી દીધી હતી. વન-ડે ટીમમાં લાંબા સમય બાદ વાપસી કરનાર ઑસ્ટ્રેલિયન ફાસ્ટ બોલર મિચલ સ્ટાર્કે કૅપ્ટન મિચલ માર્શ સહિતના સાથી પ્લેયર્સ સાથે પ્રૅક્ટિસ-સેશનમાં ભાગ લીધો હતો.

ભારતના સ્ટાર ક્રિકેટર વિરાટ કોહલી અને રોહિત શર્માએ એકસાથે નેટમાં બેટિંગ પ્રૅક્ટિસ-સેશનમાં ભાગ લીધો હતો. વૉર્મ-અપ સમયે બન્ને અનુભવી ક્રિકેટરો કોચિંગ-સ્ટાફ સાથે ચર્ચા કરતા પણ જોવા મળ્યા હતા. ગયા વર્ષની જેમ હાલમાં પણ સ્ટેડિયમની બહાર ક્રિકેટ-ફૅન્સ ભારતના સ્ટાર પ્લેયર્સ સાથે ફોટો પડાવવા અને ઑટોગ્રાફ લેવા ઊમટી પડ્યા હતા.