01 April, 2026 11:53 AM IST | Karachi | Gujarati Mid-day Correspondent
પાકિસ્તાન સુપર લીગમાં બૉલ-ટૅમ્પરિંગ બદલ ફખર ઝમાન પર બે મૅચનો પ્રતિબંધ
પાકિસ્તાન ક્રિકેટ બોર્ડ (PCB)એ પુષ્ટિ કરી હતી કે ક્રિકેટર ફખર ઝમાનને પાકિસ્તાન સુપર લીગની આગામી બે મૅચ માટે સસ્પેન્ડ કરવામાં આવ્યો છે. તે ટુર્નામેન્ટની આચારસંહિતાના લેવલ-3ના ઉલ્લંઘનનો દોષી સાબિત થયો છે. આ આરોપ કલમ 2.14ના ઉલ્લંઘન સાથે સંબંધિત છે જે બૉલની સ્થિતિ બદલવા વિશે છે.
આ ઘટના ૨૯ માર્ચે ગદ્દાફી સ્ટેડિયમમાં લાહોર કલંદર્સ અને કરાચી કિંગ્સ વચ્ચેની મૅચ દરમ્યાન બની હતી. આ ઘટના મૅચની અંતિમ ક્ષણોમાં બની હતી જ્યારે ઑન-ફીલ્ડ અમ્પાયરોએ કરાચી કિંગ્સની ઇનિંગ્સની અંતિમ ઓવર પહેલાં બૉલના આકારમાં ફેરફારનો આરોપ લગાવીને લાહોર કલંદર્સને પાંચ રનનો દંડ ફટકાર્યો હતો. વાઇરલ વિડિયોમાં ૩૫ વર્ષનો ફઝર ઝમાન સ્પષ્ટ રીતે બૉલનો આકાર બદલતો જોવા મળ્યો હતો. એ ભૂતકાળમાં પણ આવી હરકત કરી ચૂક્યો છે.
