T20 વર્લ્ડ કપના હાઇએસ્ટ વિકેટટેકરના લિસ્ટમાં બીજા ક્રમે પહોંચ્યા છે સંયુક્ત રીતે ત્રણ સ્પિનર્સ

બંગલાદેશનો શાકિબ-અલ-હસન

T20 વર્લ્ડ કપના ઇતિહાસમાં બંગલાદેશનો સ્પિન ઑલરાઉન્ડર શાકિબ-અલ-હસન હાઇએસ્ટ વિકેટટેકર છે. ૯ T20 વર્લ્ડ કપની ૪૩ મૅચમાં તેણે ૧૦૦૬ રન આપીને ૫૦ વિકેટ લીધી હતી. જોકે વર્તમાન T20 વર્લ્ડ કપમાં તેનો આ રેકૉર્ડ તૂટી શકે છે.

T20 વર્લ્ડ કપના હાઇએસ્ટ વિકેટટેકરના લિસ્ટમાં બીજા ક્રમે એકસાથે ત્રણ સ્પિનર આવી ગયા છે. શ્રીલંકાનો વનિન્દુ હસરંગા, ઑસ્ટ્રેલિયાનો ઍડમ ઝૅમ્પા અને અફઘાનિસ્તાનનો રાશિદ ખાન ૪૦ વિકેટ સાથે આ લિસ્ટમાં બીજા ક્રમે છે. ૨૦ મૅચમાં આ કમાલ કરનાર વનિન્દુ હસરંગા ઇન્જરીને લીધે બહાર થઈ ગયો છે. ઍડમ ઝૅમ્પા (બાવીસ મૅચ) અને રાશિદ ખાન (૨૫ મૅચ) વર્તમાન T20 વર્લ્ડ કપની આગામી મૅચોમાં શાનદાર પ્રદર્શન કરીને આ રેસમાં આગળ વધી શકે છે.