વિમેન્સ T20 વર્લ્ડ કપમાં પાકિસ્તાની ટીમે સૌથી વધુ વખત રન-આઉટ થવાનો ભારતનો શરમજનક રેકૉર્ડ તોડ્યો

સાઉથ આફ્રિકા સામે પાકિસ્તાનની ચાર બૅટર્સ રન-આઉટ થઈ ગઈ હતી

બુધવારે મોડી રાતે ઍજબેસ્ટનમાં પાકિસ્તાન અને સાઉથ આફ્રિકા વચ્ચે વિમેન્સ T20 વર્લ્ડ કપની મૅચ રમાઈ હતી. કૅપ્ટન ફાતિમા સનાના પંચાવન રન અને ત્રણ વિકેટ છતાં પાકિસ્તાન આ મૅચમાં બે વિકેટે હાર્યું હતું. પાકિસ્તાનના ૧૨૬-૯ના સ્કોરની સામે સાઉથ આફ્રિકાએ ૧૬.૫ ઓવરમાં ૮ વિકેટ ગુમાવીને ૧૨૭ રનનો ટાર્ગેટ ચેઝ કરી લીધો હતો. અગાઉ પાકિસ્તાન ૬૪ રને ભારત સામે હાર્યું હતું.

સાઉથ આફ્રિકા સામે પાકિસ્તાનની ચાર બૅટર્સ રન-આઉટ થઈ હતી. આ રન-આઉટને કારણે વિમેન્સ T20 વર્લ્ડ કપમાં પાકિસ્તાને ભારતનો શરમજનક રેકૉર્ડ તોડ્યો હતો. વિમેન્સ T20 વર્લ્ડ કપમાં ભારત (૪૦ વખત)ને પછાડીને હવે પાકિસ્તાની ક્રિકેટરો સૌથી વધુ ૪૧ વખત રન-આઉટ થઈ છે. વિમેન્સ T20 ઇન્ટરનૅશનલમાં પાકિસ્તાને શ્રીલંકાના રેકૉર્ડ ૧૮૫ રન-આઉટની બરાબરી કરી છે.