પાકિસ્તાન પોતાની ૧૦૦૦મી વન-ડે મૅચમાં ઑસ્ટ્રેલિયા સામે પાંચ વિકેટે જીત્યું

અરફાત મિન્હાસે પહેલી જ મૅચમાં રેકૉર્ડ પાંચ વિકેટ લીધી: પાકિસ્તાન માટે પહેલી વન-ડે મૅચ રમી રહેલા ૨૧ વર્ષના ડાબોડી સ્પિનરે ૧૦ ઓવરમાં ૩૨ રન આપીને પાંચ વિકેટ લીધી હતી

અરફાત મિન્હાસ

શનિવારે રાવલપિંડીમાં પાકિસ્તાને ઑસ્ટ્રેલિયા સામે ત્રણ વન-ડે મૅચની સિરીઝમાં વિજયી શરૂઆત કરી હતી. ઑસ્ટ્રેલિયાએ મૅથ્યુ શૉર્ટના પંચાવન રન અને મેટ રેનશૉના ૬૧ રનના આધારે ૪૪.૧ ઓવરમાં ૨૦૦ રન કરીને તમામ વિકેટ ગુમાવી હતી. પાકિસ્તાન બાબર આઝમના ૬૯ રન અને ગાઝી ધોરીના ૬૫ રનની મદદથી ૪૨.૩ ઓવરમાં ૨૦૨ રન કરીને પાંચ વિકેટે જીત્યું હતું.

પાકિસ્તાન માટે પહેલી વન-ડે મૅચ રમી રહેલા ૨૧ વર્ષના ડાબોડી સ્પિનરે ૧૦ ઓવરમાં ૩૨ રન આપીને પાંચ વિકેટ લીધી હતી. તે પાકિસ્તાન માટે પહેલી વન-ડે મૅચમાં પાંચ વિકેટ લેનાર પહેલો બોલર બન્યો હતો. સિરીઝની આગામી બે મૅચ અનુક્રમે બે જૂન અને ચાર જૂને રમાશે.

૧૦૦૦ વન-ડે મૅચ રમનાર ટીમોના રેકૉર્ડ 
ભારત - ૧૦૭૫ મૅચમાં ૫૭૧ જીત 
ઑસ્ટ્રેલિયા - ૧૦૨૦ મૅચમાં ૬૧૭ જીત 
પાકિસ્તાન - ૧૦૦૦ મૅચમાં ૫૨૮ જીત