02 October, 2026 06:58 PM IST | Tokyo | Gujarati Mid-day Correspondent
એશિયન ગેમ્સમાં સતત ૧૩ સીઝનથી ભારતનો સેઇલિંગમાં મેડલ જીતવાનો સિલસિલો યથાવત્
એશિયન ગેમ્સ 2026માં ભારતે ગઈ કાલે પહેલો સેઇલિંગ મેડલ જીતીને સતત ૧૩ સીઝનથી આ ઇવેન્ટમાં ઓછામાં ઓછો એક મેડલ જીતવાનો સિલસિલો ચાલુ રાખ્યો છે. ૧૯૭૦થી ૨૦૨૨ દરમ્યાન ભારત સેઇલિંગમાં એક ગોલ્ડ, ૮ સિલ્વર અને ૧૪ બ્રૉન્ઝ સહિત ૨૩ મેડલ જીત્યું છે. ગઈ કાલે પુરુષોની સ્કિફ સેઇલિંગ સ્પર્ધામાં ભારતના પ્રિન્સ નોબલ અને મનુ ફ્રાન્સિસે સિલ્વર મેડલ જીત્યો હતો. ૨૩ પૉઇન્ટના નેટ સ્કોર સાથે આ જોડી ચીન પછી બીજા સ્થાને રહી. પ્રિન્સ અને મનુએ અગાઉ અબુ ધાબીમાં યોજાયેલી એશિયન સેઇલિંગ ચૅમ્પિયનશિપમાં બ્રૉન્ઝ મેડલ જીત્યો હતો.
