03 July, 2026 02:22 PM IST | Mumbai | Gujarati Mid-day Correspondent
યુરોપિયન T20 પ્રીમિયર લીગમાં અશ્વિન કૅપ્ટન અને મેન્ટરની ડબલ ડ્યુટી કરશે
આ વર્ષે ૨૬ ઑગસ્ટથી ૨૦ સપ્ટેમ્બર વચ્ચે રમાનારી યુરોપિયન T20 પ્રીમિયર લીગની પહેલી સીઝન વિશે મોટી અપડેટ મળી છે. હેડ કોચ રાહુલ દ્રવિડના કોચિંગ હેઠળની ડબલિન ગાર્ડિયન્સમાં ભારતનો ભૂતપૂર્વ સ્પિનર રવિચન્દ્રન અશ્વિન ડબલ ડ્યુટી કરતો જોવા મળશે.
ડબલિન ગાર્ડિયન્સ ટીમમાં ૩૯ વર્ષનો રવિચન્દ્રન અશ્વિન મેન્ટર અને કૅપ્ટનની બેવડી ભૂમિકામાં જોવા મળશે. ૨૦૨૪માં અશ્વિને ડિંડીગુલ ડ્રૅગન્સને તેમનું પ્રથમ તામિલનાડુ પ્રીમિયર લીગ (TNPL) ટાઇટલ અપાવવા દરમ્યાન આવી જ કૅપ્ટન અને મેન્ટરની ભૂમિકા ભજવી હતી.
અમેરિકામાં રમાઈ રહેલી મેજર લીગ ક્રિકેટમાં ડેબ્યુ મૅચમાં રવિચન્દ્રન અશ્વિને સૅન ફ્રાન્સિસ્કો તરફથી બે ઓવરમાં ૨૪ રન આપી દીધા હતા અને એક પણ વિકેટ લીધી નહોતી.
