04 October, 2026 03:49 PM IST | Tokyo | Gujarati Mid-day Correspondent
પ્રતીકાત્મક ફાઇલ તસવીર
ભારતે ટીમ સ્પોર્ટ્સમાં અભૂતપૂર્વ દબદબો જાળવી રાખ્યો હતો:
ક્રિકેટ : પુરુષ અને મહિલા બન્ને ટીમોએ પોતાનો ગોલ્ડ મેડલ ડિફેન્ડ કર્યો હતો. મહિલા ટીમે શ્રીલંકાને અને પુરુષ ટીમે રોમાંચક ફાઇનલમાં પાકિસ્તાનને ૧૯ રને હરાવી સુવર્ણ જીત્યો હતો.
હૉકી : પુરુષ ટીમે મલેશિયાને હરાવીને ગોલ્ડ જાળવી રાખ્યો હતો, જ્યારે મહિલા હૉકી ટીમે ૪૪ વર્ષના લાંબા ઇંતેજારનો અંત આણીને ગોલ્ડ મેડલ જીત્યો હતો.
કબડ્ડી : ભારતની પુરુષ અને મહિલા બન્ને કબડ્ડી ટીમો ચૅમ્પિયન બનીને ગોલ્ડ મેડલ જીતવામાં સફળ રહી હતી.
આ એશિયન ગેમ્સ માત્ર મેડલ સુધી સીમિત ન રહેતાં ઑલિમ્પિક્સ ક્વૉલિફિકેશનની દૃષ્ટિએ પણ સફળ રહી હતી. ભારતે પુરુષ અને મહિલા હૉકીની સાથે તીરંદાજીમાં કમ્પાઉન્ડ મિક્સ્ડ ટીમ અને મહિલા વ્યક્તિગત રિકર્વ કૅટેગરીમાં લૉસ ઍન્જલસ (LA) 2028 ઑલિમ્પિક્સ માટેના ડાયરેક્ટ ક્વોટા મેળવી લીધા છે.
ગૉલ્ફ : પ્રણવી ઉર્સે વ્યક્તિગત સ્ટ્રોક-પ્લેમાં ભારત માટે પ્રથમ ઐતિહાસિક ગોલ્ડ મેડલ જીત્યો હતો, જ્યારે મહિલા ટીમે સિલ્વર મેળવ્યો હતો.
તીરંદાજી : ૧૭ વર્ષની કુમકુમ મોહોદે મહિલાઓની વ્યક્તિગત રિકર્વ ઇવેન્ટમાં દેશ માટે પ્રથમ ગોલ્ડ જીતીને ઇતિહાસ રચ્યો હતો. ઉપરાંત અંકિતા ભકત અને કીર્તિ શર્મા સાથે મળીને મહિલા રિકર્વ ટીમે ગોલ્ડ પણ જીત્યો હતો.
રેસલિંગ : અમન સેહરાવત અને સુજિત કલકલે ગોલ્ડ મેડલ જીત્યા હતા. અંતિમ પંઘાલે સિલ્વર અને દીપક પુનિયાએ બ્રૉન્ઝ મેડલ મેળવ્યો હતો.
બૉક્સિંગ : લવલીના બોર્ગોહેને ગોલ્ડ મેડલ જીતીને મૅરી કૉમ પછી એશિયન ગેમ્સમાં સુવર્ણ જીતનારી બીજી ભારતીય મહિલા બૉક્સર બનવાનું ગૌરવ મેળવ્યું હતું.
વેઇટલિફ્ટિંગ : મીરાબાઈ ચાનુએ ૪૯ કિલોગ્રામ વર્ગમાં સિલ્વર મેડલ જીતીને ૧૯૯૮ પછી ભારતને આ રમતમાં પ્રથમ એશિયન ગેમ્સ મેડલ અપાવ્યો હતો.
અન્ય કીર્તિમાનો : વિથ્યા રામરાજે મહિલા ૪૦૦ મીટર હર્ડલ્સમાં ૪૨ વર્ષ જૂનો નૅશનલ રેકૉર્ડ તોડીને બ્રૉન્ઝ જીત્યો. સાવન બરવાલે ૧૯૮૨ પછી મૅરથૉનમાં પ્રથમ મેડલ મેળવ્યો, સર્વેશ કુશારેએ ૫૬ વર્ષ પછી હાઈ જમ્પમાં મેડલ જીત્યો અને બારણિકા ઇલાંગોવન પોલ વૉલ્ટમાં મેડલ જીતનારી પ્રથમ ભારતીય બની. મિક્સ્ડ માર્શલ આર્ટ્સ (MMA)માં સુચિકા તરિયાલે અને સૉફ્ટ ટેનિસમાં જય મીણાએ પ્રથમ મેડલ્સ અપાવ્યા હતા.
