પી. વી. સિંધુ જપાન ઓપનની ફાઇનલમાં પહોંચનારી પ્રથમ ભારતીય ખેલાડી બની

બે વખતની ઑલિમ્પિક મેડલ વિજેતા પી. વી. સિંધુ જપાન ઓપન 2026ની ફાઇનલમાં પહોંચનારી પ્રથમ ભારતીય ખેલાડી બની છે. આજે ફાઇનલમાં પી.વી. સિંધુની ટક્કર વર્લ્ડ નંબર થ્રી એવી જપાનની અકાને યામાગુચી સામે થશે.

પીવી સિંધુ

બે વખતની ઑલિમ્પિક મેડલ વિજેતા પી. વી. સિંધુ જપાન ઓપન 2026ની ફાઇનલમાં પહોંચનારી પ્રથમ ભારતીય ખેલાડી બની છે.
જપાન ઓપન 2026ની સેમી-ફાઇનલમાં સિંધુ વિશ્વની ચોથા નંબરની ચેન યુફેઇ સામે ૨૧-૧૯, ૧૫-૧૦થી આગળ હતી ત્યારે હૅમસ્ટ્રિંગની ઇન્જરીને કારણે તેને મૅચમાંથી ખસી જવાની ફરજ પડી હતી. ૨૦૨૪ પછી આ પહેલી વાર છે જ્યારે સિંધુ કોઈ ટુર્નામેન્ટની ફાઇનલમાં પહોંચી છે. છેલ્લે તેણે સૈયદ મોદી ઇન્ટરનૅશનલની ફાઇનલ મૅચ રમી હતી.
આજે ફાઇનલમાં પી.વી. સિંધુની ટક્કર વર્લ્ડ નંબર થ્રી એવી જપાનની અકાને યામાગુચી સામે થશે. આ હરીફ સામે હેડ-ટુ-હેડ રેકૉર્ડમાં પી.વી. સિંધુ ૧૫-૧૪થી આગળ છે. જોકે અકાને યામાગુચી સિંધુ સામે ઑસ્ટ્રેલિયા ઓપન 2026ની સેમી-ફાઇનલ સહિત છેલ્લી પાંચ મૅચમાંથી ચાર મૅચ જીતી છે.