હવે ફાઇનલ... `પુષ્પા 2 : ધ રૂલ` પાંચમી ડિસેમ્બરે આવે છે

ફિલ્મના હીરો અલ્લુ અર્જુને ગઈ કાલે સોશ્યલ મીડિયા પર આ ફિલ્મનું એક નવું પોસ્ટર શૅર કરીને આ જાહેરાત કરી હતી

ફિલ્મનો સીન

જેની કાગડોળે રાહ જોવાઈ રહી છે એ ફિલ્મ ‘પુષ્પા 2 : ધ રૂલ’ આ વર્ષે પાંચમી ડિસેમ્બરે રિલીઝ થશે એવી જાહેરાત ગઈ કાલે કરવામાં આવી હતી. ફિલ્મના હીરો અલ્લુ અર્જુને ગઈ કાલે સોશ્યલ મીડિયા પર આ ફિલ્મનું એક નવું પોસ્ટર શૅર કરીને આ જાહેરાત કરી હતી. આ પોસ્ટરમાં તે પાઇપ દ્વારા ધૂમ્રપાન કરી રહ્યો છે અને પોતાની ગનને તાકી રહ્યો છે. અગાઉ આ ફિલ્મ છઠ્ઠી ડિસેમ્બરે આવવાની હતી, પણ હવે એક દિવસ વહેલી આવશે.

૨૦૨૧માં આવેલી સુપરહિટ ફિલ્મ ‘પુષ્પા 2 : ધ રાઇઝ’ની આ સીક્વલની રિલીઝ આમ તો ક્યારથી ટળી રહી છે. પહેલાં એ એપ્રિલ ૨૦૨૪માં આવવાની હતી, પછી ૧૫ ઑગસ્ટનું નક્કી થયું હતું અને ત્યાર બાદ છઠ્ઠી ડિસેમ્બર નક્કી થઈ હતી. ગઈ કાલે જોકે ફાઇનલ તારીખ પાંચમી ડિસેમ્બરની આવી છે.