27 October, 2021 10:22 AM IST | Mumbai | Gujarati Mid-day Correspondent
ઇમરાન હાશ્મી
ઇમરાન હાશ્મી ગયા મહિને જ્યારે ઑસ્ટ્રિયા ‘ટાઇગર 3’ના શૂટિંગ માટે ગયો હતો ત્યારે તે કોરોના-પૉઝિટિવ આવ્યો હતો. તેને આ વાઇરસની અસર ફક્ત ચાર દિવસ થઈ હતી. તેનું માનવું હતું કે આ વાઇરસ તેને મુંબઈમાં અથવા તો વિયેનાની ફ્લાઇટ દરમ્યાન લાગ્યો હતો. તે લૅન્ડ થયાના બે જ દિવસમાં પૉઝિટિવ આવ્યો હોવાથી તેનું આવું માનવું છે. તે હાલમાં તેની હૉરર ફિલ્મ ‘ડિબ્બક’ પ્રમોટ કરી રહ્યો છે. એ દરમ્યાન તે કોરોના-પૉઝિટિવ થયો હોવાની વાત તેણે કરી હતી. તેણે કોવિશીલ્ડના બન્ને ડોઝ લીધા હતા અને પૉઝિટિવ આવતાં તે તરત જ ક્વૉરન્ટીન થઈ ગયો હતો એથી જ સેટ પર અન્ય કોઈ વ્યક્તિને અસર નહોતી થઈ.