૨૦ વર્ષ બાદ બનશે હે બેબી 2

રસપ્રદ વાત એ છે કે મૂળ ‘હે બેબી’નું શૂટિંગ પણ ઑસ્ટ્રેલિયામાં થયું હતું, તેથી એની સીક્વલ પણ એ જ દેશમાં ફિલ્માવવામાં આવશે.

હે બેબી

૨૦૦૭માં રિલીઝ થયેલી લોકપ્રિય કૉમેડી ફિલ્મ ‘હે બેબી’ની સીક્વલ બનાવવાની જાહેરાત કરવામાં આવી છે.
હાલમાં પ્રોડ્યુસર સાજિદ નડિયાદવાલાએ ઑસ્ટ્રેલિયામાં પોતાની આગામી ત્રણ ફિલ્મોનું શૂટિંગ કરવા માટેનો કરાર જાહેર કર્યો છે જેમાં ‘હે બેબી 2’ પણ સામેલ છે. રસપ્રદ વાત એ છે કે મૂળ ‘હે બેબી’નું શૂટિંગ પણ ઑસ્ટ્રેલિયામાં થયું હતું, તેથી એની સીક્વલ પણ એ જ દેશમાં ફિલ્માવવામાં આવશે. 
મૂળ ફિલ્મમાં અક્ષય કુમાર, વિદ્યા બાલન, રિ​તેશ દેશમુખ અને ફરદીન ખાન મુખ્ય ભૂમિકામાં હતાં. ત્રણ બૅચલર્સ અને અચાનક તેમના જીવનમાં આવેલી એક નાની બાળકીને કેન્દ્રમાં રાખીને બનેલી આ ફિલ્મ દર્શકોને આજે પણ યાદ છે. જોકે નિર્માતાઓએ હજુ સુધી સીક્વલની સ્ટારકાસ્ટની જાહેરાત નથી કરી.