ભોપાલનાં પોહા અને જલેબી ખાવા માટે આતુર રકુલ પ્રીત સિંહ

રકુલ પ્રીત સિંહ ‘ડૉક્ટર જી’ના શૂટિંગ માટે ભોપાલ પહોંચી ગઈ છે

રકુલ પ્રીત સિંહ

રકુલ પ્રીત સિંહ ‘ડૉક્ટર જી’ના શૂટિંગ માટે ભોપાલ પહોંચી ગઈ છે. આ ફિલ્મમાં તે આયુષ્માન ખુરાના સાથે કામ કરી રહી છે. આ વિશે વાત કરતાં રકુલે કહ્યું હતું કે ‘ભોપાલમાં ‘ડૉક્ટર જી’નું શૂટિંગ શરૂ કરવા માટે હું ખૂબ જ ઉત્સાહી છું. લૉકડાઉનને કારણે આ ફિલ્મનું શૂટિંગ શરૂ કરવા માટે ખૂબ જ રાહ જોઈ છે. અનુભૂતિ કશ્યપ, આયુષ્માન અને શેફાલી શાહ સાથે શૂટિંગ શરૂ કરવા માટે હું ખૂબ જ આતુર છું. આ ફિલ્મની સ્ક્રિપ્ટ ખૂબ જ અદ્ભુત છે. હું ભોપાલમાં પહેલી વાર શૂટિંગ કરી રહી છે. મેં હંમેશાં ભોપાલને સિટી ઑફ લેક્સ તરીકે સાંભળી છે. હું જેવી લૅન્ડ થઈ ત્યાંથી હોટેલ સુધીની મારી સફર ખૂબ જ સુંદર હતી. આ ખૂબ જ ગ્રીન અને સુંદર શહેર છે. આ શહેરને એક્સપ્લોર કરવા માટે હું ખૂબ જ ઉત્સાહી છું. અહીંની જલેબી અને પોહા ખાવા માટે હું રાહ જોઈ રહી છું.’