સલમાન અને સંજય પચીસ વર્ષ પછી ફરી સાથે આવશે

ફંક્શનમાં સંજયે નજીકના ભવિષ્યમાં સલમાન સાથે કામ કરવા મળશે એ મામલે આનંદ વ્યક્ત કર્યો હતો.

સલમાન ખાન અને સંજય દત્ત

બૉલીવુડમાં સલમાન ખાન અને સંજય દત્તની જોરદાર જોડી પચીસ વર્ષ પછી ફરી સાથે જોવા મળશે. આ બન્ને સ્ટાર્સ આ પહેલાં ‘સાજન’ અને ‘ચલ મેરે ભાઈ’માં એકસાથે જોવા મળ્યાં હતાં અને તેમની કેમિસ્ટ્રી લોકોને બહુ પસંદ પડી હતી. તાજેતરમાં સંજયની ફિલ્મ ‘ભૂતની’નું ટ્રેલર લૉન્ચ કરવામાં આવ્યું હતું અને એમાં સલમાને પણ હાજરી આપી હતી. આ ફંક્શનમાં સંજયે નજીકના ભવિષ્યમાં સલમાન સાથે કામ કરવા મળશે એ મામલે આનંદ વ્યક્ત કર્યો હતો.