04 June, 2025 06:57 AM IST | Pune | Gujarati Mid-day Online Correspondent
CDS જનરલ અનિલ ચૌહાણની ફાઇલ તસવીર (તસવીર સૌજન્યઃ એએનઆઇ)
ભારતના ચીફ ઓફ ડિફેન્સ સ્ટાફ (Chief of Defence Staff - CDS) જનરલ અનિલ ચૌહાણ (General Anil Chauhan)એ ફરી એકવાર પાકિસ્તાન (Pakistan)ને કડક ચેતવણી આપતા કહ્યું કે, ભારત (India) આતંક અને પરમાણુ બ્લેકમેલના પડછાયા હેઠળ રહેવાનું નથી. CDSએ એમ પણ કહ્યું કે, પાકિસ્તાને ભારતને આતંકવાદી પ્રવૃત્તિઓ માટે બંધક બનાવી શકવું જોઈએ નહીં. ઓપરેશન સિંદૂર (Operation Sindoor) દરમિયાન ભારતે કેટલાક ફાઇટર જેટ ગુમાવ્યા હોવાનો દાવો કર્યાના થોડા દિવસો પછી, ચીફ ઓફ ડિફેન્સ સ્ટાફ (CDS) જનરલ અનિલ ચૌહાણે મંગળવારે કહ્યું કે, ‘વ્યાવસાયિક લશ્કરી દળો આંચકો અને નુકસાનથી પ્રભાવિત થતા નથી. જોકે, નુકસાન મહત્વપૂર્ણ નથી, પરંતુ પરિણામો મહત્વપૂર્ણ છે.’
સીડીએસ અનિલ ચૌહાણે સાવિત્રીબાઈ ફૂલે પુણે યુનિવર્સિટી (Savitribai Phule Pune University)ના `ફ્યુચર વોર્સ એન્ડ વોરફેર` (Future Wars and Warfare કાર્યક્રમમાં ભાગ લીધો હતો. આ દરમિયાન તેમણે ‘ઓપરેશન સિંદૂર’ વિશે મોટો ખુલાસો કર્યો હતો.
CDS જનરલ અનિલ ચૌહાણે કહ્યું, ‘૧૦ મેના રોજ બપોરે ૧ વાગ્યે, પાકિસ્તાનનો ઉદ્દેશ્ય ૪૮ કલાકમાં ભારતને ઘૂંટણિયે પાડવાનો હતો. ઘણા હુમલા કરવામાં આવ્યા અને કોઈને કોઈ રીતે, તેમણે આ લડાઈને વધુ તીવ્ર બનાવવાનો પ્રયાસ કર્યો. જ્યારે અમે ફક્ત આતંકવાદી ઠેકાણાઓને નિશાન બનાવ્યા. જે ઓપરેશન તેમને ૪૮ કલાક ચાલવાનું હતું, તે લગભગ ૮ કલાકમાં પૂરું થયું અને પછી તેમણે ટેલિફોન ઉપાડ્યો અને કહ્યું કે તેઓ વાત કરવા માંગે છે.’ અનિલ ચૌહાણે વધુમાં કહ્યું, ‘પાકિસ્તાનને ખ્યાલ આવી ગયો હશે કે જો તે યુદ્ધ લડશે તો તે ચોક્કસ હારશે.’
જનરલ અનિલ ચૌહાણે કહ્યું કે, ‘આ સંઘર્ષ પહેલગામમાં થયેલા આતંકવાદી હુમલાથી શરૂ થયો હતો. શું આતંકવાદને યુદ્ધનો સાચો રસ્તો ગણી શકાય? મને નથી લાગતું કે આતંકવાદ એ સાચો રસ્તો છે કારણ કે તેના માટે કોઈ નિયમો નક્કી નથી. તેમણે વધુમાં કહ્યું કે આપણો દુશ્મન ભારતને નુકસાન પહોંચાડવા માંગતો હતો, પરંતુ તે તેમ કરવામાં નિષ્ફળ ગયો. યુદ્ધ માનવ સભ્યતા જેટલું જૂનું છે. કોઈપણ પ્રકારના યુદ્ધમાં બે મહત્વપૂર્ણ તત્વો હોય છે - હિંસા અને હિંસા પાછળનું રાજકારણ... ત્રીજું તત્વ પરસ્પર વાતચીત છે, જે સતત થઈ રહી છે. આપણે આતંકવાદ સામે એક નવી રેખા દોરી છે.’
અનિલ ચૌહાણે મંગળવારે ભારતીય સશસ્ત્ર દળોની પ્રશંસા કરી અને કહ્યું, ‘વ્યાવસાયિક લશ્કરી દળો આંચકો કે નુકસાનથી પ્રભાવિત થતા નથી.’ તેમના નિવેદનો ઓપરેશન સિંદૂર હેઠળ પાકિસ્તાન પ્રાયોજિત આતંકવાદ સામે ભારતના ચાલી રહેલા પ્રયાસોના પગલે આવ્યા છે. તેમણે કહ્યું કે, ‘જ્યારે મને અમારા પક્ષે થયેલા નુકસાન વિશે પૂછવામાં આવ્યું, ત્યારે મેં કહ્યું કે આ મહત્વપૂર્ણ નથી. પરિણામો અને તમે કેવી રીતે કાર્ય કરો છો તે મહત્વપૂર્ણ છે. નુકસાન વિશે વાત કરવી ખૂબ યોગ્ય રહેશે નહીં.’
પાકિસ્તાન સ્થિત આતંકવાદી છાવણીઓ પર ભારતના સચોટ હુમલાઓની ઝડપીતા અને અસર વિશે, સીડીએસ ચૌહાણે જણાવ્યું હતું કે ભારતીય સશસ્ત્ર દળોએ આતંકવાદ સામેની લડાઈમાં "સ્તંભ ઊંચો" કર્યો છે. અમે આતંકવાદ સામે લશ્કરી કાર્યવાહીની નવી રેખા દોરી છે. અમે આતંકવાદને પાણી જેવા મહત્વપૂર્ણ સંસાધનો સાથે જોડી દીધો છે અને દર્શાવ્યું છે કે ભારતને હજારો કાપથી લોહીલુહાણ કરવાની પાકિસ્તાનની વ્યૂહરચના હવે અનુત્તરિત રહેશે નહીં.
નોંધનીય છે કે, ૭ મેના રોજ, ભારતીય સશસ્ત્ર દળોએ ઓપરેશન સિંદૂર હાથ ધર્યું, જેમાં પાકિસ્તાનમાં અંદરથી નવ આતંકવાદી સ્થળોનો નાશ કરવામાં આવ્યો. જવાબમાં, પાકિસ્તાની પક્ષે ભારતીય સંરક્ષણ અને નાગરિક સ્થાપનોને નિશાન બનાવવાનો પ્રયાસ કર્યો. ભારતે સચોટ હુમલાઓ કરીને જવાબી કાર્યવાહી કરી, જેમાં અનેક પાકિસ્તાની હવાઈ મથકોનો નાશ કરવામાં આવ્યો. ૧૦ મેના રોજ યુદ્ધવિરામ અંગે સમજૂતી થઈ.