15 June, 2026 10:33 AM IST | Mumbai | Gujarati Mid-day Correspondent
મુંબઈ ક્રિકેટ અસોસિએશન પાસેથી ટ્રોફી સ્વીકારતા મરાઠા રૉયલ્સના કૅપ્ટન સિદ્ધેશ લાડ અને આઇકન પ્લેયર તુષાર દેશપાંડે.
મેન્સ T20 મુંબઈ લીગ 2026ની ચોથી સીઝનમાં મરાઠા રૉયલ્સે પોતાનું ટાઇટલ ડિફેન્ડ કરીને ઇતિહાસ રચ્યો હતો. ટીમના આઇકન પ્લેયર અને ફાસ્ટ બોલિંગ ઑલરાઉન્ડર તુષાર દેશપાંડેએ આ વિજયી અભિયાનમાં મહત્ત્વપૂર્ણ ભૂમિકા ભજવી હતી. ફાઇનલ મૅચમાં બે મહત્ત્વપૂર્ણ વિકેટ લઈને તે પ્લેયર ઑફ ધ મૅચ બન્યો હતો. આખી સીઝનમાં ૬.૬ના ઇકૉનૉમી-રેટથી બોલિંગ કરીને તે પર્પલ કૅપ પણ જીત્યો હતો.
ARCS અંધેરી ટીમનો ઓપનર દિવ્યાંશ સક્સેના ૨૬૧ રન કરીને ઑરેન્જ કૅપ જીત્યો હતો. બાંદરા બ્લાસ્ટરનો ઓપનર સુવેદ પારકર ૨૫૦ રન કરવા બદલ પ્લેયર ઑફ ધ ટુર્નામેન્ટ જાહેર થયો હતો.
વિમેન્સ T20 મુંબઈ લીગ 2026ની વિજેતા ટીમ સોબો મુંબઈ ફાલ્કન્સની ૧૪ વર્ષની બોલર સ્વરા જાધવ ૪.૪૮ના ઇકૉનૉમી-રેટથી બોલિંગ કરીને ૧૦ વિકેટ લઈને પર્પલ કૅપ જીતી હતી.
1.50
આટલા કરોડ રૂપિયા મળ્યા મેન્સ લીગ જીતવા બદલ મરાઠા રૉયલ્સને.
50
આટલા લાખ રૂપિયા મળ્યા વિમેન્સ લીગની ચૅમ્પિયન બનવા બદલ સોબો મુંબઈ ફાલ્કન્સને.
