બૉક્સ-ઑફિસ પર સૈફ અલી ખાન અને દીકરી સારા વચ્ચે જંગ

સૈફ અલી ખાન અને દીકરી સારા

૧૧ સપ્ટેમ્બરે બૉક્સ-ઑફિસ પર બે મોટી ફિલ્મોની ટક્કર થવાની છે. પ્રિયદર્શનની સૈફ અલી ખાન અને અક્ષય કુમારને ચમકાવતી ‘હૈવાન’ની રિલીઝની તારીખ ગઈ કાલે જાહેર થઈ છે. આ ફિલ્મ ૧૧ સપ્ટેમ્બરે રિલીઝ થવાની છે. આ જ દિવસે આયુષ્માન ખુરાના અને સારા અલી ખાનની સ્પાય-કૉમેડી ફિલ્મ ‘ઉડતા તીર’ પણ રિલીઝ થવાની છે. બૉક્સ-ઑફિસ પર આ ટક્કર વધારે ખાસ છે કારણ કે ‘હૈવાન’માં સૈફ અલી ખાન મુખ્ય ભૂમિકામાં જોવા મળશે જ્યારે તેની દીકરી સારા અલી ખાન ‘ઉડતા તીર’માં લીડ રોલમાં છે. આમ બાપ અને દીકરીની ફિલ્મો બૉક્સ-ઑફિસ પર પહેલી વખત એક જ દિવસે સામસામે ટકરાશે. ‘હૈવાન’માં અક્ષય કુમાર અને સૈફ અલી ખાનની લોકપ્રિય જોડી લગભગ ૧૮ વર્ષ બાદ ફરી મોટા પડદા પર પરત ફરી રહી છે.