° °

આજનું ઇ-પેપર
Monday, 14 June, 2021


ખરીફ પાકની એમએસપીમાં માત્ર 6.60 ટકા સુધીનો વધારો

10 June, 2021 11:45 AM IST | Mumbai | Gujarati Mid-day Correspondent

સરકારે તલના સૌથી વધુ ૪૫૨ રૂપિયા અને અડદ-તુવેરમાં ૩૦૦ રૂપિયાનો વધારો કર્યો

ખરીફ પાક

ખરીફ પાક

કેન્દ્ર સરકારે આગામી ખરીફ સીઝન માટે એમએસપી (મિનિમમ સપોર્ટ પ્રાઇસ)માં એક ટકાથી લઈને ૬.૬૦ ટકા સુધીનો વધારો કરવાની જાહેરાત કરી હતી. કેન્દ્રીય આર્થિક બાબતની કૅબિનેટ કમિટીની બેઠકમાં નિર્ણય બાદ કૃષિ પ્રધાન નરેન્દ્ર સિંહ તોમરે નવી સીઝનની એમએસપીની જાહેરાત કરતાં જણાવ્યું હતું કે સરકારે નવી સીઝનમાં પણ ખેડૂતોને તેની ઉપજના ખર્ચ સામે ૫૦ ટકા સુધીનો લાભ મળે એ રીતે વધારો કરવામાં આવ્યો છે. જોકે સરકારે ગત વર્ષની તુલનાએ મૂલ્યની રીતે જોઈએ તો તલના ભાવમાં સૌથી વધુ ૪૫૨ રૂપિયા અને અડદ-તુવેરમાં ક્વિન્ટલે ૩૦૦ રૂપિયાનો વધારો કર્યો હતો.

કેન્દ્ર સરકારે કઠોળ અને તેલીબિયાં પાકની આયાત નિર્ભરતા ઘટાડવાના હેતુસર છેલ્લાં થોડાં વર્ષથી આ બન્ને પાકની એમએસપીમાં પણ સૌથી વધુ વધારો કરવામાં આવે છે. તલની એમએસપીમાં સરકારે સૌથી વધુ ક્વિન્ટલે ૪૫૨ રૂપિયાનો વધારો કરીને ૭૩૦૭ રૂપિયા જાહેર કર્યા છે, કેન્દ્ર સરકારે મગફળીની એમએસપીમાં ક્વિન્ટલે ૨૭૫ રૂપિયા વધારીને ૫૫૫૦ રૂપિયા કર્યા છે. જ્યારે કપાસ શંકરનો ભાવ ૨૦૦ રૂપિયા વધારીને ૬૦૨૫ રૂપિયા કર્યા છે. 

કેન્દ્ર સરકાર દ્વારા છેલ્લાં થોડાં વર્ષથી એમએસપીમાં મોટો વધારો થયો હોવાની જાહેરાત કરવામાં આવી હતી, પરંતુ સરકાર દ્વારા ઘઉં-ચોખાને બાદ કરતાં બાકીના પાકની એમએસપીથી પૂરતી ખરીદી જ થતી નથી, જેની સામે ખેડૂતોમાં મોટો રોશ વ્યાપી ગયો છે. સરકાર એક તરફ ખેડૂતોની આવક બમણી કરવાની વાત કરે છે, પંરતુ બીજી તરફ કઠોળ કે તેલીબિયાં પાકની કુલ ઉત્પાદનમાં ૧૦થી ૧૫ ટકા માંડ એમએસપીથી ખરીદી થાય છે.

10 June, 2021 11:45 AM IST | Mumbai | Gujarati Mid-day Correspondent

અન્ય લેખો

મેમાં બીએસઈ સ્ટાર એમએફ દ્વારા ૫૦ ટકા નેટ ઇક્વિટી ફન્ડ્સ એકત્ર કરાયું

સંપૂર્ણ નાણાકીય વર્ષ ૨૦૨૦-’૨૧માં કુલ ૯.૩૮ કરોડ ટ્રાન્ઝેક્શન થયા હતા એની સામે નાણાકીય વર્ષ ૨૦૨૧-’૨૨ના માત્ર બે મહિના (એપ્રિલ-મે)માં  તેના ૨૪ ટકા એટલે કે ૨.૨૫ કરોડ ટ્રાન્ઝેક્શન થયા છે.

12 June, 2021 01:15 IST | Mumbai | Gujarati Mid-day Correspondent

ન્યુઝ શૉર્ટમાં : સેઈલનો નફો ૩૧ ટકા વધ્યો

ક્રિપ્ટોકરન્સીના સ્ટાર્ટ અપ તરીકે તેની સ્થાપના થઈ હતી. એ કંપની તથા તેના ડિરેક્ટરો - નિશ્ચલ શેટ્ટી અને હનુમાન મ્હાત્રેને નોટિસ મોકલવામાં આવી છે. 

12 June, 2021 01:56 IST | Mumbai | Gujarati Mid-day Correspondent

પ્રૉપર્ટીના માલિકે રાત્રે ચેનથી સૂવું હોય તો પ્રૉપર્ટીનો વીમો લઈ લેવો જોઈએ

રહેણાક નહીં, કમર્શિયલ પ્રૉપર્ટીનો પણ વીમો લઈ શકાય છે. કુદરતી તથા માનવસર્જિત આફતો સામે આ વીમો રક્ષણ આપે છે. 

12 June, 2021 01:31 IST | Mumbai | Ram Prasad Padhi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK