° °

આજનું ઇ-પેપર
Tuesday, 29 November, 2022


વૈશ્વિક રૂમાં મંદી : મહિનામાં ભાવ બાવીસ ટકા વધુ ઘટ્યા

01 October, 2022 12:21 PM IST | Mumbai
Gujarati Mid-day Correspondent | feedbackgmd@mid-day.com

ભારતીય બજારમાં પણ રૂના ભાવ એની ટોચથી ૩૦,૦૦૦થી વધુ તૂટી ગયાઃ વૈશ્વિક મંદીના ભણકારા અને વ્યાજદર વધારાની અસર જોવા મળી

પ્રતીકાત્મક તસવીર

પ્રતીકાત્મક તસવીર

દેશમાં નવા રૂ-કપાસની આવકો શરૂ થવા લાગી છે, પંરતુ બીજી તરફ વૈશ્વિક રૂ બજારમાં કારમી મંદી વ્યાપી ગઈ છે અને ભાવ સતત તૂટી રહ્યા છે. વિશ્વ બજાર માટે બેન્ચમાર્ક ગણાતો ન્યુ યૉર્ક કૉટન વાયદો છેલ્લા એક જ સપ્તાહમાં ૧૦ ટકા અને મહિનામાં ૨૨ ટકા જેટલો તૂટી ગયો છે. ભારતીય બજારમાં પણ રૂના ભાવ એની ટોચથી ખાંડી (૩૫૬ કિલો)એ ૩૦,૦૦૦ રૂપિયાથી પણ વધુ તૂટી ગયા છે. આગામી દિવસોમાં ભાવ હજી નીચા આવે એવી સંભાવના છે.

ન્યુ યૉર્ક રૂ વાયદો ગુરુવારે સાંજે ૮૭.૫૦ સેન્ટની સપાટી પર ટ્રેડમાં હતો, જે સપ્તાહમાં ૯.૫૧ ટકા અને મહિનામાં ૨૨ ટકાનો ઘટાડો બતાવે છે. ગત વર્ષની તુલનાએ અત્યારની સ્થિતિએ ભાવ ૧૮ ટકા જેટલા નીચા ક્વોટ થઈ રહ્યા છે.

ભારતીય રૂના ભાવ અત્યારે ખાંડીના ૭૦,૦૦૦ રૂપિયા નજીક પહોંચ્યા છે, જે એક મહિના પહેલાં વધીને ૧ લાખ રૂપિયાથી ઉપર હતા. આમ રૂના ભાવમાં ખાંડીએ ૩૦,૦૦૦થી પણ વધુનો ઘટાડો થઈ ચૂક્યો છે. ભારતીય રૂના ભાવ માટે નવેમ્બર-ડિસેમ્બર ડિલિવરીમાં મલ્ટિનૅશનલ કંપનીઓ ૬૩,૦૦૦ રૂપિયા બોલે છે, જે બતાવે છે કે રૂના ભાવમાં આગામી દિવસોમાં વધુ ઘટાડો થઈ શકે છે.

રૂના ભાવમાં ઘટાડા વિશે જાણકારો કહે છે કે વૈશ્વિક બજારમાં આર્થિક મંદી ચાલુ થઈ છે અને ૨૦૨૩માં ભયંકર મંદી આવી શકે છે. બીજી તરફ વિશ્વના ૩૦થી ૩૫ દેશોએ વ્યાજદરમાં વધારો કરી દીધો છે, જેને પગલે કૉટન સહિતની ઍગ્રી કૉમોડિટીમાં મંદીની શક્યતા છે.

01 October, 2022 12:21 PM IST | Mumbai | Gujarati Mid-day Correspondent

અન્ય લેખો

પૅસેન્જર વેહિકલ ઉત્પાદકો ક્ષમતા વધારવા ૬૫,૦૦૦ કરોડનું રોકાણ કરશે : અહેવાલ

પૅસેન્જર વાહન ઉદ્યોગનું જથ્થાબંધ વૉલ્યુમ નાણાકીય વર્ષ ૨૦૨૩માં ૩૭થી ૩૮ લાખ યુનિટની સર્વકાલીન ઉચ્ચતમ સપાટીને સ્પર્શે એવી અપેક્ષા છે

29 November, 2022 04:34 IST | Mumbai | Gujarati Mid-day Correspondent

ઊંચા વ્યાજદર છતાં બૅન્ક-લોનમાં મજબૂત વૃદ્ધિ જોવા મળશે : ફિચનો અંદાજ

બૅન્કોની લોનનો ગ્રોથ રેટ ૧૩ ટકા રહેવાનો અંદાજ

29 November, 2022 04:32 IST | Mumbai | Gujarati Mid-day Correspondent

એસઍન્ડપીએ ભારતનો જીડીપી ગ્રોથનો અંદાજ ઘટાડીને સાત ટકા મૂક્યો

અગાઉ ૭.૩ ટકા મૂક્યો હતો : આગામી વર્ષે ગ્રોથ ઘટીને ૬ ટકા રહેશે

29 November, 2022 04:30 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK