° °

આજનું ઇ-પેપર
Wednesday, 06 July, 2022


ઘઉંમાં નિકાસબંધીનો વિરોધ ટાળવા સરકારે વધુ છૂટછાટ જાહેર કરી

18 May, 2022 01:50 PM IST | Mumbai
Gujarati Mid-day Correspondent | feedbackgmd@mid-day.com

કસ્ટમ્સ ક્લિયરન્સ માટે વેઇટિંગમાં રહેલા શિપમેન્ટને પણ હવે નિકાસછૂટ મળશે

પ્રતીકાત્મક તસવીર

પ્રતીકાત્મક તસવીર

કેન્દ્ર સરકારે ઘઉંનો ગયા સપ્તાહે રાતોરાત નિકાસ બંધ કરવાનો નિર્ણય લીધો હતો, જેને દેશભરમાંથી મોટા પાયે વિરોધ થયો હોવાથી સરકારે નિકાસના નિયમોમાં આંશિક છૂટછાટો આપી છે. સરકાર કસ્ટમ્સ ક્લિયરન્સની રાહ જોતા ઘઉંના શિપમેન્ટને મંજૂરી આપશે. સરકારે મંગળવારે જણાવ્યું હતું કે શનિવારે વિદેશી વેચાણ પર પ્રતિબંધ મૂક્યા પછી નિકાસમાં થોડી છૂટછાટ આપવામાં આવી છે. ભારત સરકાર ઇજિપ્તને ઘઉંની નિકાસને પણ મંજૂરી આપશે,એક નિવેદનમાં જણાવ્યું હતું, ઇજિપ્તે ભારત સાથે કુલ પાંચ લાખ ટન ઘઉંની નિકાસના કરારો કર્યા છે. એવું નક્કી કરવામાં આવ્યું છે કે જ્યાં પણ ઘઉંના માલને પાસ કરવા માટે કસ્ટમ્સને સોંપવામાં આવ્યા છે અને તેમની (કસ્ટમ્સ) સિસ્ટમમાં નોંધણી કરવામાં આવી છે, કાં તો ૨૦૨૨ની ૧૩ મેએ અથવા એ પહેલાંના આવા નોંધાયેલા ઘઉંને નિકાસ કરવાની મંજૂરી આપવામાં આવશે એમ સરકારે જણાવ્યું હતું.
ઘઉંની નિકાસ પર ગયા શનિવારે પ્રતિબંધ મૂકવામાં આવ્યો હતો. દેશમાં ઘઉંના પાકને લઈને આશંકા સેવાઈ રહી છે અને ગરમીને કારણે પાક ઓછો થવાનો હોવાથી સરકારે નિકાસ પર નિયંત્રણો લાદી દીધાં છે.
કેન્દ્ર સરકારે અગાઉ માત્ર ૧૩ મે કે એ પહેલાં લેટર ઑફ ક્રેડિટ (એલસી) જેની ખૂલી હોય તેને જ નિકાસ કરવાની છૂટ આપી હતી. આ જોગવાઈને પગલે આશરે ૨૨ લાખ ટન જેટલા ઘઉં બંદરો પર અથવા રસ્તામાં હતા, જેની નિકાસ પર અસર થવાની હતી. આવા ઘઉંમાંથી એલ.સી. મળી હોય એવા ઘઉં માત્ર ચાર લાખ ટન જ હતા. પોર્ટ પર આશરે ૧૦ લાખ ટન ઘઉંનો જથ્થો પડ્યો છે અને કુલ ૧૮ લાખ ટન ઘઉંના જથ્થાને મુશ્કેલી ઊભી થઈ છે. સરકારના નવા નિયમથી આંશિક રાહત મળે એવી સંભાવના નિકાસકારો વ્યક્ત કરી રહ્યા છે.
ઘઉંનાં ભાવ સરેરાશ ઊંચી સપાટીથી ૩૦૦ રૂપિયા જેટલા પ્રતિ ક્વિન્ટલ ઘટી ગયા છે અને આગામી દિવસોમાં ભાવ હવે બહુ ઘટે એવી સંભાવના નથી. કદાચ આંશિક સુધારો પણ આવી શકે છે.

18 May, 2022 01:50 PM IST | Mumbai | Gujarati Mid-day Correspondent

અન્ય લેખો

IC15 ઇન્ડેક્સમાં ૪૬૮ પૉઇન્ટની વૃદ્ધિ, પણ ક્રિપ્ટોકરન્સી માર્કેટમાં ચિંતાની સ્થિત

સિંગાપોરની વૉલ્ડ કંપનીએ ઉપાડ, ટ્રેડિંગ અને ડિપોઝિટ અટકાવી દીધાં

05 July, 2022 08:45 IST | Mumbai | Gujarati Mid-day Correspondent

રિઝર્વ બૅન્કે કોટક મહિન્દ્ર, ઇન્ડસઇન્ડ બૅન્કને એક-એક કરોડનો દંડ ફટકાર્યો

રિઝર્વ બૅન્કે કહ્યું કે તેણે નિયમનકારી પાલનમાં ખામીઓ બદલ કોટક મહિન્દ્રા બૅન્ક અને ઇન્ડસઇન્ડ બૅન્ક પર લગભગ એક–એક કરોડ રૂપિયાનો દંડ લાદ્યો છે

05 July, 2022 08:21 IST | Mumbai | Gujarati Mid-day Correspondent

વિન્ડફૉલ ટૅક્સ : સરકારને ૧.૩૦ લાખ કરોડની આવક

રિલાયન્સને પ્રતિ બૅરલ ૧૨ ડૉલરની ખોટ : ઓએનજીસીની કમાણીને પણ મોટો ફટકો પડ્યો

05 July, 2022 08:10 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK