° °

આજનું ઇ-પેપર
Saturday, 16 October, 2021


જુલાઈમાં જિયો અને ઍરટેલના ગ્રાહકો વધ્યા, વોડાફોન આઇડિયાના ઘટ્યા : ટ્રાઇ

24 September, 2021 11:07 AM IST | Mumbai | Gujarati Mid-day Correspondent

રિલાયન્સ જિયોએ જુલાઈમાં ૬૫.૧ લાખ નવા ગ્રાહકો ઉમેરીને પોતાનું સ્થાન મજબૂત બનાવ્યું હતું

પ્રતીકાત્મક તસવીર

પ્રતીકાત્મક તસવીર

ભારતની સૌથી મોટી ટેલિકૉમ ઑપરેટર કંપની રિલાયન્સ જિયોના મોબાઇલ ગ્રાહકોની સંખ્યામાં જુલાઈમાં જોરદાર વધારો થયો હતો. ઍરટેલના યુઝર્સની સંખ્યા પણ વધી હતી. એની સામે વોડાફોન આઇડિયાએ ૧૪.૩ લાખ ગ્રાહકો ગુમાવ્યા હોવાનું નિયમનકાર ટ્રાઇના તાજેતરના ડેટા પરથી જાણવા મળ્યું છે.

રિલાયન્સ જિયોએ જુલાઈમાં ૬૫.૧ લાખ નવા ગ્રાહકો ઉમેરીને પોતાનું સ્થાન મજબૂત બનાવ્યું હતું. ભારતી ઍરટેલે ૧૯.૪૨ લાખ ગ્રાહકો ઉમેર્યા હતા.

ટેલિકૉમ રેગ્યુલેટરી ઑથોરિટી ઑફ ઇન્ડિયા (ટ્રાઇ) દ્વારા જારી કરવામાં આવેલા ગ્રાહકોના માસિક આંકડા અનુસાર, જુલાઈમાં જિયોના વાયરલેસ વપરાશકર્તાની કુલ સંખ્યા વધીને ૪૪.૩૨ કરોડ થઈ છે. જુલાઈમાં ઍરટેલના ગ્રાહકોની સંખ્યા વધીને ૩૫.૪૦ કરોડ થઈ ગઈ હતી.

વોડાફોન આઇડિયાએ જુલાઈ દરમિયાન ૧૪.૩ લાખ વાયરલેસ વપરાશકર્તાઓ ગુમાવ્યા, જેને પગલે તેના ગ્રાહકોની સંખ્યા ઘટીને ૨૭.૧૯ કરોડ થઈ ગઈ છે.

નોંધનીય છે કે કેન્દ્રીય પ્રધાનમંડળે તાજેતરમાં ટેલિકૉમ ક્ષેત્ર માટેના રાહત પૅકેજને મંજૂરી આપી છે.

24 September, 2021 11:07 AM IST | Mumbai | Gujarati Mid-day Correspondent

અન્ય લેખો

ન્યુઝ શોર્ટમાં : એક ક્લિકમાં વાંચો બિઝનેસ સમાચાર

વીજળી ખર્ચના વધારાથી ત્રણ સ્મેલટર બંધ થતાં ઝિન્કના ભાવ ૧૪ વર્ષની ઊંચાઈએ; સેમી કન્ડક્ટરની અછતને લીધે પૅસેન્જર વાહનોનું વેચાણ ઘટ્યું અને વધુ સમાચાર

15 October, 2021 04:15 IST | Mumbai | Gujarati Mid-day Correspondent

આવકવેરાના નવા પૉર્ટલ પર બે કરોડથી વધુ રિટર્ન ફાઇલ કરાયાં

૭ કરોડ કરતાં વધુ રિટર્નનું ઈ-વેરિફિકેશન થયું હોવાની બાબત નોંધપાત્ર છે

15 October, 2021 04:12 IST | Mumbai | Gujarati Mid-day Correspondent

મુંબઈમાં નવરાત્રિના પ્રથમ સાત દિવસમાં ઘરનું રજિસ્ટ્રેશન વધ્યું

પ્રૉપર્ટી કન્સલ્ટન્ટ નાઇટ ફ્રાન્કે કહ્યું હતું કે દરરોજ સરેરાશ ૩૫૬ યુનિટના હિસાબે એકંદરે ૨૪૯૪ યુનિટનું રજિસ્ટ્રેશન થયું હતું

15 October, 2021 04:11 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK